Frimærkit ulloqartinneqarneranni 300-it takkupput
Arfininngornermi 24. maj TELE- POST-ip frimærkinik saqqummersitsivia Filatelia Tasiilami tamanut ammasumik aggersaavoq.
Tamanna pivoq frimærkit nutaat 5-it saqqummersinneranut atasumik; Ukioq manna frimærki nalinganik ilassutitalik, frimærkit pingasut Kalallit Nunaannit nassaanik ujaranngorsimasunik assiliartallit, kiisalu kunngikkormiut Prinsesse Marie-p Prins Joachim-illu katinnerannut atatillugu frimærkiliaq. Frimærkit www.stamps.gl.-imi takuneqarsinnaapput.
Filateliami tamanut akunnerni malunni tamanut ammasumik iliuuseqarneq ornigarluarneqaqaaq, tassami inuit 300-it angullugit isersimapput. Pisisartut pulaartullu kaffimik, tiimik, saftimik- kaagerpassuarnillu nammineq sanaanik sassaallerfigineqarput. Piffissaq iluatsillugu Filateliap pisiniarfia nutaaq atoqqaartinneqarpoq. Tamannalu malunnartinniarlugu TELE-POST attartukkaminik eqqumiitsulianik kusanartunik aammalu ujaranngorsimasunik inuit namminneq pigisaannik saqqummersitsivoq, ilaatigut frimærkit kulturikkut oqariartuutaat ersersinniarlugu.
Tulliani Filatelia-mi tamanut ammasumik pisoqartitsisoqassaaq 20. oktober, ullormi taanna Kalaallit Nunaanni frimærkit nutaat allat saqqummersinneqassapput.