Skip to main content

Tupa naami

Ilulissani tupa akiorniarlugu ulloq malunnartinneqarpoq.

Ilulissani pujortarunnaartitsisartut Hansine Kristensen, Mine Emma Kristensen kiisalu Helga Nielsen Tupa pillugu Pitsaaliuinermi allaffimmi paasititsiniaapput, pujortarunnaarusuttullu apeqquteqarsinnaallutik pujortarunnaarnissaminnut.

Inuusuttut Klubbianni pujortarunnaarniarlutik aammalu pujortarnertik annikillisinniarlugu peqataasut quliusunit marluk pujortarunnaarsimasut tunisipput diplominik saqqarmiunillu uppernarsarneqarlutik pujortarunnaarniarluni iluatsittumik pikkorissarsimammata.

Innuttaasut ilaat kul-iltimut misissuut atorlugu misissorneqarput, ilaallu tupaallaatigaat annertummat kuliteqarnertik. Kul-ilti cigarettip pujuata ilagisaa, silaannaavoq tipeqanngitsoq ulorianartoq, aammut akulerutippallattartoq. Kul-iltip timip iltilersornera kigaallatsittarpaa, iltimit aammut akulerutiagami. Taamaasilluni makkua kingunerisinnaallugit: Milittoornerit qaratsakkut uummatikkut taqaaqqakkut milittoornerit, amip eqingasulinnera, astmaqalernerlu il.il.

Tupap akuisa ilaannai saqqummersinneqarput tassaasut:

Terpinten, acetone, aqerloq, ippernanut uumasuaqqanullu toqoraat (Myregift), eqqiaanermut atortut, gaskamre, plastik, bilbatterier, butane, ammoniak, cadmium, toluene, methanol, DDT, arsenik, raketbændstof allalu tupap akui 4800-juupput.

Meeqqat saqqammiunik aammalu inersimasut pujortarneq ajortut agguarneqarput, atortunillu atuakkanillu paasissutissanik agguaasoqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER