Olie ukiunut 43-nut
Greenpaece-p Issittup imartaani oliep qallorneqarnissaa mianersoqqussutigaa, kisianni Qalasersuup eqqissisimatitanngornissaa pineqanngilaq, nunanut allanut ministeri Per Stig Møller oqarpoq.
Imartami tamaani oliemik qalluinissaq milliarderpassuarnillu iluanaaruteqarnissaat ilaasa kissaatiginngilaat. Ilaatigut Greenpeace, taassuma nunat tamaanga sineriallit oliemik qallueqqunngilai, olieqarpat. Tassami oliemik qalluinikkut nunarsuarmioqatigiillu oliemik killeqanngitsumik atuisinniaraanni silaannaap allanngoriartorneri ajorseriaannassapput, taamak suliniaqatigiiffik isumaqartoq nutaarsiassaleriffik nyhedsavisen.dk allappoq.
»Naalagaaffiit silatusaarnissartik atunngilaat. Tassami ikummatissaq nunap iluannersoq taaannarpiaavoq silaannaap allanngornerinut pisuusoq,« Greenpeace4-p nunanut tamanut nalunaartartua Mike Townsley tuluit aviisiannut The Guardian-imut oqarpoq.
Taanna isumaqarpoq, naalagaaffiit tamanna eqqissisimatitanngortittariaqaraat, Qalasersuaq Kujallertulli, taqqavani pinngortitaq illersorniarlugu oliesiorluni qillerineq inerteqqutaavoq.
Nunannut allanut ministeri Per Stig Møller siorna oqarpoq, Qalasersuaq pillugu isumasioqatigiinnermi maanna naammasseqaammersumi Issittoq piffissami aalajangersimasumi eqqissisimatitanngortinneqarsinnaanera immaqa oqaluuserisassanut ilaajumaassasoq. Kisianni taamaattoqanngilaq.
»Atorsinnaatinneqanngilaq. Naalagaaffiit tamaanga sineriallit imaluunniit inuit tamaani najugaqavissut isumassarsiatsialattut isiginngilaat. Tassami silaannaap allanngoriartorneri aningaasarsiornikkut siornatigut periarfissaqarsimanngitsutigut periarfissaqalersitsisinnaappata periarfissat qatangiinnartinneqarnissaat isiginnarusunngilaat,« Per Stig Møller oqarpoq nangillunilu Danmarki Nordsø-mi oliemik qalluijunnaarqqullugu kalaallit piumasaqarsinnaatitaassasut.
Danmark/Kalaallit Nunaata, Rsulandip, USA-p, Norge-p Canadallu ujarassiuutitik Issittup Imartaani imartap ilaanik piginnittuussaatitaanerminnik misissuisitsineranni oliemik pisuussutit milliartorput. Eqqoriaarnerit ilagaat, oliemik atuineq taamaaginnassappat oliemillu allamik nassaartoqanngippat siunissami ukiunut 43-nut suli oliessaqartoq. Taamak Aarhus Universitet-imi Niuernermut Højskolemi naalagaaffiup aningaasaqarnikkut ingerlatsineranut immikkut ilisimasalik Christian Bjørnskov oqarpoq.
» Oliemik nassaarnermi olie qanoq akeqartiginissaanut aalajangiisuusussaavoq. Olieqarnerunera ilutigalugu akikinneruleriartussaaq. Kisianni Qalasersuarmi olieqanngitsoq paasineqassappat tamanna annertunerusumik sunniuteqarnavianngilaq. Taamaassappat ikummatissaasinnaasunut allanut saattoqassaaq, soorlu biobrændsel, brint aamma atomimik nukissiorneq,« Chrisitan oqarpoq.