Skip to main content

Qimarranneq CIA-p timmisartuussisarnerilu TV-mi nersornaasigassatut innersuunneqartut

Qallunaat tv-anni ukioq manna piviusulersaarutit pitsaanersaattut innersuussinerni marlunni Kalaallit Nunaanni ilaavoq.

DR-ip piviusulersaarutai "Kalaallit Nunaanniit qimarranneq" 2007-imeersoq aamma "CIA-p qallunaat nunaannut attavia" 2008-meersoq piviusulersaarutit allat pingasut peqatigalugit innersuunneqarsimapput.

Nersornaasigassatut innersuunneqartut tassapput:

Qilammi putu - anaana ataatalu parnaarussivimmiitillugit (Ovidia Film/DR1), CIA-p qallunaat nunaanni attavia (DR), Kalaallit Nunaannit qimarranneq (DR), Thailandimiit Thy-mut (Cosmo Doc/DR1) aamma Slobodan Milosevic - præsidenti unnerluussaq (Team Productions/TV2).

TV-mi nersornaasiineq aaqqissuisut naapertorlugit TV-liornermik ingerlatsivinnut nersorinninniutaavoq, taamalu aamma aallakaatitassiat ukiup pitsaanersaattut inuillu ataasiakkaat immikkuullarissuunerannut nersorinninnermut kaammattuusiinerulluni, ekstrabladet.dk allappoq.

TV-mi nersornaasiinermut Tvfestivfal.dk aamma Producentforeningen aaqqissuisuupput. Ukioq manna nersornaaserneqartussani 19-iusuni ajugaasut katerisimaartitsinermi annertuumi aggutsip 15-iani tamanut nalunaarutigineqassapput.

"Kalaallit Nunaanniit qimarranneq" TV-kkut nersornaasigassatut aappassaa innersuunneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER