Qipoqqaat ammaateqquaat

Danmarkip nunattalu tikaagullittassat amerlisikkusuppaat, qipoqqaallu piniagaalernissaat ammaateqqullugu, knr.gl. allappoq

Arfanniarneq pillugu Ataatsimiititaliarsuup, IWC-p, ukiumoortumik ataatsimiinnera juunip 23-aniit 27-ata tungaanut ingerlassaaq, Chilemilu ukioq manna ataatsimiittoqassaaq.

Tikaagulliit 200-t, arfiviillu marluk Kalaallit Nunaannut siorna arfattassiissutigineqarput, arfattaassiissutigineqartullu attanneqarnissaat, Danmarkip arferit pillugit kommissæriata Ole Samsingip anguniarpaa.

Taanna naalagaaffeqatigiinneq sinnerlugu arfattaassissutit pillugit IWC-mi isumaqatigiinnniaqataasarpoq, arfattassiissutillu qaffanneqarnissaat taassuma piumasaraa, qipoqqarniarnerullu aallarteqqinneqarnissaa piuamasaralugu.

- Arferup neqaa 670 tonsi Kalaallit Nunaanni atorfissaqartinneqartoq 1992-imi naatsorsorneqarpoq, innuttaasullu taamanikkulli 10 procentinik amerleriarsimapput. Ukioq manna arfattassiissutigineqartut Kalaallit Nunaannut katillugit 600 tonsit missaanniipput, qipoqqarnillu arfattassiisoqaraluarpat iluassagaluaqaaq, Ole Samsing oqarpoq.

Arfanniarneq pillugu Ataatsimiititaliami isumalluartoqanngitsoq Ole Samsingip oqaatigaa, taamaammat Danmarkip isumaqatigiissitsiniallaqqissutsini takutittariaqaraa pingaarutilittut isigigini, taassuma aamma oqaatigaa.

Danmarki taamaaliorsinnaanngikkuni Japani nunallu allat oqallinnernit aniinnarnissaat aarleqqutigineqarpoq, namminerlu aalajangikkaminnik iliulerlutik.

Powered by Labrador CMS