Skip to main content

Ilisimatusarneq annikinaagaavoq

Qallunaat ilisimatusarnerat pissaaleqivoq, ilisimatuumit nuiasumit misigisassarsiorumatuumiillu Eske Willerslevip kalerrisaarutaa taamak nipeqarpoq. Taanna atuakkami "Nersutinik meqqulinnik piniartuunermiit professorimut" sakkortuuliorluni allappoq, Urban allappoq.

Sibiriami nersutinik meqqulinnik piniartuusimavoq, kalaallit nunaata sermersuaniissimalluni aammalu indianerit høvdingiata Stting Bull-ip nujaasa ilaanik piginnittuulluni. DNA-mik ilisimatooq nunarsuarmi tusaamasaasoq Eske Willerslev misigisassarsiortartut amerlanersaasa misigisimanngisaannagaannik misigisaqarsimavoq.

Tamanna maanna atuakkiamini "Nersutinik meqqulinnik piniartuunermiit professorimut" allaaseraa. Atuakkami Sibiriami, Kalaallit Nunaanni, Amerikamilu Avannarlermi ilisimasassarsiortarnerit alutornarluinnartumik allaaserineqarnerisa saniatigut qallunaat ilisimatuussutsikkut politikkiannut sakkortuumik isorinnippoq.

- Nunarsuarmi ilisimatusarnerit pitsaanersaat pillugu usorsisimaarneqarpoq - aamma siusinnerusukkut naalakkersuisuusimasut taamaapput - kisianni iluamik oqaatigalugu pissarsiagut suunngillat. Unammillertigut angumaniassagutsigit tunngaviusumik ilisimatusarnermut aningaasanik ullumikkut pisartakkatsinnik amerlanerujussuarnik pisariaqartitsivugut, taamak Københavns Universitet-imi professori 36-inik ukiulik oqarpoq.

Eske Willerslevip nupakkiaraalluni upperiluinnarsimavaa, Danmark ilinniartitaanerit pitsaanersaannik peqartoq, kisianni isummani ajoraluartumik allanngortissimavaa.

- Tamanna nunarsuarmi angalatillunga ullumikkut paasisimavara: Puiguinnaruk (Forget about it!)! Pitsaanerpaajunnaarsimavugut. Pitsaanerpaajunngivippugut.

Tamatumunnga pingaarnertut peqqutaavoq tunngaviusumik ilisimatusarnerup universitet-illu aningaasaliiffigineqartarnerisa ikippallaaleriartornerat.

Allannguisoqanngippat ilisimatusarnikkut angusat nunat allamiut tigussavaat, Ske Willerslev isumaqarpoq. Eske qannittukkut ilisimatooq qallunaaq nunat tamat akornanni 2007-mi maluginiarneqarnerpaaq-tut atuagassiamit Ingeniørimit toqqarneqarpoq.

Eske-p kingullerpaatut DNA- atorlugu ilisimatusarnermini uppernarsarpaa, Kalaallit Nunaat qangasuaq sermersuup ataani meqqutaasalinnik orpippassuaqarsimasoq, aammalu Science-mi arlalinnik allaaserinnittarnermigut PNAS-milu marlussunnik ilanngussaqartarnermigut nunanit allanit sulisussarsiarineqartarnerit ikinngillat. Kisianni Eske Danmarkimiiginnarniarpoq, suli.

- Ilisimatusarneri nunami soorlu Tuluit Nunaanni annertunerujussuarmik atugarsissaartinneqarsinnaagaluarpoq. Kisianni qallunaajuvunga, aamma qallunaat tunngaviusumik ilisimatusartarnerat nunat tamat akornanni malunnarnerulernissaa suli sorsuutigerusuppara. Tamaasa qimannissaat ajornannginnerpaavoq. Kisianni taamaaliornianngilanga. Kisianni soorunami killissaqarpunga, Eske Willerslev oqarpoq.

Atuagaq saqqummersitsisarfimmit Jyllands-Postens Forlag-imit ataasinngormat saqqummersinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER