Skip to main content

Asimi illuaqqami annertuumik aserorterisoqarsimasoq

Illuaraq Nuummut qanittumiittoq sapaatip akunnerata naanerani sequmiusavillugu aserorteriffigineqarsimavoq. Piginnittoq ikiortissarsiorpoq.

Jørgen A.Hansen illuaqqani Aqissersiorfimmiittoq aserorteriffigineqarsimasoq ataasinngormat ataasinngormat kalerrinneqarami tuparujussuarsimavoq.

Assini takuneqarsinnaasoq illuaqqap iluani suut tamarmik assanneqarsimapput, suullu aserorsinnaasut aserorterneqarsimallutik. Qaliani nerisassat sumut tamaanga eqqarneqarsimapput, soorlu sukkut margarine-t ketchup-illu.

Jørgen A. Hansenip aserorterineq politiinut nalunaarutigisimavaa, aammalu inuit arfininngornermi maajip 31-iata ataasinngornerullu juunip 2-ani nal. 14.30-ip akornanni eqqumiigisinnaasaminnik takusaqarsimasut qinnuigai, imminerminut 55 31 32-mut imaluunniit politiinut 32 14 48-mut saaffiginneqqullugit.

Jørgen A.Hansen Sermitsiaq.gl-imut oqaluttuarpoq, nammineq arfininngornermi illuaqqamiissimalluni, illuaqqami iluarsaatassat iluarsaakkiartorlugit. Angerlamut aallarami gummibådi marlunnik inuttalik illuaqqap kujataa-tungaani takusimavaa.

- Illuaraatigisaq taamatut annertutigisumik aserorteriffigineqarsimasoq takullugu ajorluinnarpoq. Sananerani suliarpassuit asuliinnartinneqarput, soriarsinnaajunnaaqqasutullu misigisimanarluni, Jørgen A. Hansen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER