Skip to main content

Biilmik tillitamik aporujussuarneqartoq

Qalipaasut tallimaasut Maniitsumi A.W. Nielsenip Aqqutaani ataasinngormat nal 17-ip missaani soraareerlutik ataasitorujoortillutik tupatsitaarujussuarput.

Angutip 22-nik ukiullip aalakoortup biilmik usisaammik tillitaminik illuaraq atortuusivik aporujussuarpaa, illu sequmivillugu. Qalipaasut tallimaasut qalipaammik iikkamiit nakkaasunit seqerneqarsimapput. Taakku ilaat ataaseq napparsimmavimmi suli uninngavoq, ataaserlu angerlarsimaffimmini uninngalluni.

Angutip 22-nik ukiullip biilernermut allagartaqanngitsup pisoq sioqqutitsiarlugu umiarsualivimmi biili usisaat tillissimavaa. Biilip ingerlatitsisuvia maanna arlaannik suliassaqarluni biilit matuersaataanik qimatsiinnarsimasutut pillaammik akiliisitaasussanngorpoq.

- Angut 22-nik ukiulik aalakoorsimavoq, kisianni aaviinikkut qanoq annertutigisumik promilleqarsimanersoq politiit suli akissutisisimanngillat, taamak politeeqarfimmi pisortaq Eigil Lyberth sermitsiaq.gl-imut oqarpoq.

Ajutoorneq ajortorujussuarmik kinguneqarsimasinnaagaluarpoq, kisianni Maniitsumi ullumikkut imatut quiassuaatigineqarpoq:

- Qujanaqaaq qalipaasut napparsimmaviliaanneqaramik aappaluttumik qalipanneqarsimanngimmata....!

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER