Skip to main content

DIH-p pilattaanissat unitsiinnarpai

Ilaatigut peqqissaasunik, napparsimasunik paarsisussanik, amigaateqarneq pissutigalugu Dronning Ingridip Napparsimmavissuata pilattaanissat pilersaarutigineqartut tamaasa unitsikkallarpai, knr.gl allappoq.

– Pilattaanerit pinartut, utaqqisinnaanngitsut, kisiisa ingerlattarniarpavut. Allat tamarmik utaqqissapput, nakorsaaneq Birgitte Asmin Schurizek oqarpoq.

Tamatumalu kingunerissavaa sivisunerusumik utaqqinissaq. Napparsimasut, assersuutigalugu siffissamik seeqqumilluunniit nutaamik pilatsittussat, pilatsinnissamik tungaanut ukioq ataaseq angullugu utaqqisariaqartareerput.

Birgitte Asmin Schurizekilli tikkuarpaa napparsimasut toqqissisimannginnissaannut tunngavissaqanngitsoq.

- Tamarmik katsorsarneqassaqqaarput, katsorsartinnissaminnulli sivisunerulaartumik utaqqiinnassapput, taanna oqarpoq.

Napparsimmaviup neriuutigaa ilaatigut telemedicinip, nakorsat immikkut ilisimasallit nakorsaqarfinnut amerlanerusunik angalasarnerisigut aammalu Nuummi Napparsimmaviup allanngortiterneratigut, allineratigullu nukinnik peqalersitsisoqarsinnaasoq, pilattaanissat pilersaarutigineqarsimasut aallarteqqinneqaqqullugit.

- Napparsimmavik qimallugu katsorsaanerit amerlinerisigut nukinnik atugassaqalersinnaavugut, pilattaanerit pilersaarutigineqartut aallarteqqinnissaannut, taanna oqarpoq.

Oqaatigisinnaanngilaali qaqugu utaqqisorpassooreersut qaangerneqarumaarnersut.

Pilattaanissat pilersaarutigineqartut qaammatini pingasuugallartuni unitsinneqarallarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER