Skip to main content

"134"-mut saaffiginnittarnerit suli amerliartorput

PAARISA-p Meeqqat Inuusuttullu Oqarasuaataanut "134"-mut saaffiginnittarnerit pillugit naatsorsuinerata takukippaa, saaffiginninnerit 28%-inik, tassalu 964-init 1234-nut amerlanerulersimasut.

2006-imi naatsorsuinerit katikkaanni saaffiginnissimanerit marloriaammik amerlassuseqalersimasut takuneqarsinnaavoq. 2007-imi oqaloqatiginnilluni siunnersuinerit 26 %-imik amerlisimanerat takuneqarsinnaavoq.

Amerlasuut paasissutissanik piniarlutik imaluunniit sianeraluarlutik suli siunertaminnik apuussinatik oqarasuaammik ilisiinnarlutik ”134”-imut sianertaraluartut meeqqat inuusuttullu amerlasoorpassuit siunnersortinit ikiorserneqartarput.

2007-imi oqaloqatiginnilluni siunnersuinerit affaat sinnerlugit amerlassuseqartut tassaapput niviarsissat 18-it inorlugit ukiullit siunnersorneqarnerannut tunngasut, siunnersuinerilli sisamaagaangata ataaseq nukapissamik imaluunniit angummik siunnersuinerusarput.

2007-imi saaffiginnissutigineqartuni imminorneq, persuttaaneq, kinguaassiuutitigut innarliineq, aanngajaarniutinik atornerluineq kiisalu qinngasaarineq saaffiginninnermut tunngaviunerpaasarput. Siunnersuilluni oqaloqatiginninnerit affaat sinnerlugit amerlassuseqartut ajornartorsiutinut taakkununnga tunngasuupput.

Amerlasuutigut ajornartorsiutit arlariit ataatsikkut saqqummertarneri maluginiarneqarpoq. Tassani persuttaanermi ajornartorsiuteqarnermi aanngajaarniutinik atornerluineq aamma kinguaassiuutitigut innarliinerit akuusarnerat taaneqaannarsinnavoq.

Meeqqat Inuusuttullu Oqarasuaataat ”134” ukioq naallugu nal. 19.00 – 21.00 ammasarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER