Skip to main content

Pilattaanerit unitsinneqarnerat napparsimasut peqatigiiffiata kamaatigaa

– Napparsimmavik peqqissaasunik nunanit allanit, Danmarkimiinnaanngitsoq, tikisitsisariaqarpoq ineriartorneq ilorraap tungaanut sangutinniarlugu aammalu utaqqisut allattorsimaffii amerligaluttuinnartut aqussinnaaniarlugit, taamatut isumaqarpoq napparsimasut peqatigiiffiat, knr.gl allappoq.

Kalaallit Nunaanni napparsimasut peqatigiiffiata siulitaasuata Astrid Hansen Hardip Dronning Ingridip Napparsimmavissuata ilaatigut peqqissaasunik amigaateqarneq pissutigalugu pilersaarutigineqartutut pilattaanissanik tamanik unitsitsinermik aalajangernera atasinnaanngilluiinnartutut taavaa. Aalajangerneq nalinginnaasumik pilanneqarnissamik, assersuutigalugu nutaamik siffialersittussanik, utaqqisunik amerlareeqisunik suli amerlanerulersitsisussaq.

- Napparsimasut pilanneqarnissaminnik utaqqisut inuunerisa pitsaassusaat ajortorujussuuvoq. Imminnut mattuttarput, tamatumalu kingunerisaanik, sukkasuumik ikiorneqanngikkunik, misigisaq annernartorujussuussaaq, Astrid Hansen Hard oqarpoq.

Pissutsit maannakkutut itsillugit nutaamik siffialersinniarluni ukioq ataaseq sinnerlugu utaqqisoqartarsinnaavoq, taamaattumi napparsimasut peqatigiiffiat isumaqarpoq Danmarkiinnaanngitsumi, allani aamma peqqissaasussarsiortariaqartoq, pilersaarutigineqartutut pilattaanissat sukkasuumik aallarteqqinniarlugit.

- Peqqissaasunut Danmarkimiinnaanngitsoq nunanit allaneersunut ammaassissaagut. Assersuutigalugu tassaasinnaapput peqqissaasut Savalimmiuneersut, Sverigemeersut Norgemeersullu. Tamakkua tikilluaqqussavagut Kalaallit Nunaannukartitsiniarnitsinnilu pikkorinnerujussuussalluta. Assannik amigaateqarpugut, Danmarkimiinnaanngitsorlu allanit tikisinneqarsinnaapput, taanna oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER