Skip to main content

Borgmesteri imigassanut kimittuunut inerteqquteqarnissamut akerliuvoq

Tasiilami imigassanut aalakoornartulinnut kimittuunut inerteqquteqartitsineq ajornartorsiutinut illoqarfiup inussuttaanut amerlaqisunut atuulersimasunut aaqqiissutaanavianngilaq, Ammassalimmi borgmesteri Vittus Mikaelsen isumaqarpoq, knr.gl allappoq.

Imigassamit kimittuumit iperagaatitsigut, taamak politeeqarfimmi pisortamit Kristian Sinngertaat-mit kalerrisaarut nipeqarpoq, Tasiilami inuusuttut amerlasuut kingullertigut imminorianngikkunik imminornissamik sioorasaarisarsimanerisa kingunerisaanik.

Kisianni illoqarfiup borgmesteriata Vittus Mikaelsenip politeeqarfimmi pisortaq Kristian Sinngerlaat-ip Ittoqqortoormiitulli illoqarfiup imigassamik kimittuuerunneqarnissaanik kissaataa isumaqatiginngilaa.

- Maanga timmisartukkut aqqutit ammaannartut pissutigalugit tamanna anngiortumik eqqussuinerulernermut peqqutaaginnassaaq. Imigassamik kimittuumik matusisarnermi misilittakkagut pitsaasuunngillat. Tamanna kommunalbestyrelsemi arlaleriarluta eqqartortarsimavarput, maajimilu illoqarfimmi taasisitsivugut. Taasititsinermi tassani amerlanerussuteqartut inerteqquteqartitsinissaq taamaattoq naaggaarpaat, tamannalu malipparput, Vittus Mikaelsen oqarpoq.

Borgmesteri isumaqarpoq, imigassamik kimittuumik nioqquteqarnermut inerteqquteqalernerup imminortarnermik ajornartorsiutinut aaqqiissutaanavianngitsoq.

- Isumaqarpunga sulifrfissaaleqinerujussuaq tamatumunnga peqqutaaqataasoq. Suliffissaaleqisut tamatigut upernaakkut amerliuaannartarput, Vittus Mikaelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER