Skip to main content

USA-mi nittarsaassiinnarpoq

Air Greenland 2010-mi Islandikkoorlugu USA-mut aqquteqalernissaq piareersarpaa amerikamiullu umiarsuit atorlugit takornarianik angalaartitsisarfiutaat atassuteqarfigiuaannarpagut, tuniniaanermut nittarsaassinermullu pisortaq Christian Keldsen oqarpoq

Join Committee sapaatip akunnerata tulliani Washingtonimi ataatsimiilerpat Air Greenland peqataassaaq, pingaartumillu amerikamiut takornarissanik umiarsuarsuit atorlugit angalaartitsisarfiutaasa nunatsinni takornariartitsisarfiit majip arfineq pingajuanni nittarsaassinissaanni nittarsaassivigineqarnissaat pingaartinneqassaaq.

Naak Air Greenlandip Baltimoremut aqqut unitsereeraluaraa taamaattoq USA-mi nittarsaassineq ingerlatiinnarneqarpoq.

- Air Greenlandip suli USA ornitassatut soqutigaa, Air Greenlandimi tuniniaanermut nittarsaassinermullu pisortaq Christian Keldsen oqarpoq.

- 2010-imi Kangerlussuarmiit Keflavik aqqusaarlugu USA-liartitsisalernissarput piareersarparput. Keflavikikkoortitsisarnissap pitsaaqutigissavaa USA-mi ornitassat amerlanerusut kiisalu Caribien Europalu orninneqartarsinnaassammata.

- Paarlarttuanillu aamma takornarissanik Kalaallit Nunaanni ornitassanut amerlanerusunut angalassisarsinnaalissaagut. Takornarissallu aamma Islandimut Kalaallit Nunaannullu angalasarsinnaalissapput.

- Qanoq ilaasoqartigisarnissaa apeqqutaatillugu sapaatip akunneranut marloriarluta Kangerlussuup Keflavikillu akornanni angalatitsisarnissarput pilersaarutigaarput, Christian Keldsen oqarpoq.

- Kalaallit Nunaata USA-mi nittarsaanneqarneranut peqataassaagut. Ukiuni makkunani USA, Tuluit Nunaat Tysklandilu Kalaallit Nunaannut tamarmut takornariartitsisarnermut soqutiginartorujussuupput. Air Greenlandilu nittarsaassineq tamarmiusoq eqqarsaatigalugu pingaarutilerujussuuvoq, Christian Keldsen oqarpoq.

- Taamaattumik manna tikillugu USA-mi nittarsaassinermut aningaasaliissutigineqarsimasut asuliinnarnikuunngillat. Suliarpullu ingerlatiinnassavarput, erseqqissaalluni oqarpoq.

Sermitsiaq atuaruk...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER