Jokke aamma Marie kalaallit frimærkianni

Kunngikkormiutut ataqqisassusillip Prins Joackimip aamma frk. Marie Cavallier-ip katinnissaannut atatillugu Post Greenland allakkanut nipitittakkamik saqqummersitsivoq.

- Allakkanut nipitikkakkamik saqqummersitsineq Kungikkiormiuni pisussaq angisooq pillugu kalaallit nuannaarutiginninnerannut ersiutaavoq, allakkeriveqarfik nalunaarpoq.

Nipitittagaq 10,25 kr.inik akeqarpoq, tassa Kalaallit Nunaata iluani allakkanik 100 g tikillugu oqimaassisilinnut nipitittakkanut akia.

Nipitittakkamut peqatigitillugu allakkap puua ullormi saqqummersitsinermi saqqummersitaq, maxikort, allaffissiaq assitalik aamma kunngikkormiut katittussat ilisarnaataannik ilisarnaatitalik ullormi saqqummersitsivimmi naqitsinertalik, ilisarnaat taanna Prins Joackimip nammineq ilusilersorlugu titartarsimavaa.

Nipitittakkap atortullu allat saqqummernissaat tassaavoq ulloq katiffik 2008-mi maajip 24-iat.

Powered by Labrador CMS