Skip to main content

Peqqinnartumik inuulluataarneq

Atuarfik Tuiisami Paamiuniittumi 3.B-mi atuartut Paarisap aaqqissugaanik nuna tamakkerlugu atuarfinnik unammisitsinermi akissarsiassaq anneq 20.000 kr.-nik naleqartoq pissarsiaraat, klasseqatigiiaat atuarfimmi nerisassanut peqqinnartunut pissanganartunullu siunnersuuteqarnermikkut unammineranni.

3.B-t aningaasanik akissarsitinneqarnermik saniatigut ulloq ataaseq igasumik nerisassioqateqarnissamik neqeroorfigineqarput, tassani atuartut suliutigalugitk atuarfimmi nerisassat peqqinnartut pillugit takorloortakkatik piviusunngortissavaat. Nanoq.gl taama allappoq.

Akissarsiassat tullii tassaasut gavekorti 8.000 kr.-nik naleqartoq, timersornermi sunngiffimmilu atortussanik pisiniutissaasoq, Nuummi Friskolemi 2. klassimi atuartunit pissarsiarineqarpoq aammalu tassani 1. Klassit akissarsiassat pingajuat 4.000 kr.-inik naleqartoq akissarsissutigalugu.

Klassit peqataasut tamarmik titartakkanik assiliarsuarnillu qalipaatigissaarluartunik ilanngussipput, taakkunani atuartut nerisassat suut peqqinnartuullutillu illinnartuuneri pillugit isumassarsiassarpassuaqarneri takuneqarsinnaalluni. Kalaalimerngit, paarnat naatitallu aamma siunnersuutigineqartut ilagaat. Aammattaaq meqqat peqqissutsimut ilaatillugu timersorneq timimillu aalatitsineq qitiutissimavaat.

Klasseqatigiiaat tamarmik unammisitsinermut assigiinngitsunik piumasaqaatitaqartumut peqataanissaminnik neqeroorfigineqarsimagaluartut atuaqatigiiaat nukarliunerusuniittut peqataanissaminnut kisimik nalunaarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER