Skip to main content

Ilisimatusarfiup oqaatsivut nukittorsarpai

Københavns Universitet-ip kalaallit nunaannut tunngasuni ilisimatusarfimmi Institut for Eskimologi-mi ilisimatusarneq ilinniartitsinerlu nukittorsarniarlugit ph.D. Naja B. Trondhjem-i kalaallit oqaasiini adjunkti atorfimmi nutaami atorfinitsippaa.

Atorfik kulturimut attaveqarnermullu ilisimatusarnermut siunnersuisoqatigiinnit aamma kulturinik assigiinngitsunik nunarsuullu immikkoortortaanik ilisimatusarfimmit (forskningsråd for Kultur og Kommunikation aamma Institut for Tværkulturelle og Regionale Stidier) aningaasalersorneqarpoq. Naja Trondhjem-ip eskimologi-imik ilisimatuunngorniartut 50-t sinnilaarlugit amerlassusillit ilinniartinnerisa saniatigut aamma kalaallit oqaasiisa grammatik-ianni oqaatsinik ilisimatuussutsikkut ilisimatusaatigalugu misissuinermik annertuumik suliaqatussaavoq. Kiisalu kalaallit oqaasiinik takornartat oqaasiisut interneti atorlugu ilinniartitsussutissanik ineriartortitsinermik sulianik aallartitsisussaavoq, Søren Thuesen immikkoortortaqarfimmi aqutsisoq oqarpoq.

Naja Trondhjem Upernavimmeersuuvoq, uigaa kalaallit eqqumiitsuliaasa oqaluttuassartaannut ph.d.-usoq Jørgen Trondhjem. Meeraraat Knud, thomas aamma Michael. Naja Trondhjem-i ilisimatusarfimmi bacheloritut naammasseriarluni Københavns Universitet-imi ilinniaqqippoq taamalu 200-imi kalaallit oqaasinut oqaatsillu kalaallinit atorneqartarnerannut kandidatitut naammassilluni. 2000-imiit 2004-p tungaannut Afd. for Eskimologi og Arktiske Studier-imi oqaatsinik ilinniartitsisoreerluni ilisimatuunngorniarluni aallartippoq, 2008-milu februaarimi oqaatsit sananeqaataannut atornerqartarnerannullu tunngatillugu kalaallinit siullersaalluni ph.d-nnguutigalugu.

Ilisimatusarnermini kalaallit oqaasiisa grammatikkianni pissutsit immikkut ittut sammisarisimavai, taakkulu kalaallit oqaasii takornartat oqaasiisut ilinniartitsissutigineqarneranni ajornartorsiortitsisarput, kisianni aamma piffissap ingerlanerani oqaatsit allanngoriartornerinut tunngasut, kisianni aamma eskimuut oqaasiisa assigiinngitsut akornanni assigiinngissutsit assigiissutsillu soqutigisaasa ilagaat. Ph.D-nnorniarnermi soraarummeerutissatut suliaraa kalaallit oqaatsiminni pisimasorsiut (fortidstilhæng) qanoq atortarneraat, maannali ilsimatusarfiginiakkani nutaami oqaatsini pissanersorsiut (fremtidstilhæng) sammineqassaaq. Naja Trondhjem-i atuagassiani oqaatsit sannaat atorneqartarnerilu pillugit nunat tamat akornanni atuagassiani assigiinngitsuni allaaserisanik arlalinnik saqqummiussaqartarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER