Skip to main content

Unammiuaarnissaq nunarsuarmi tusaamasaq taamaatiinnarneqarpoq

Ammassallip kommuneata karsia imaarussimavoq.

Siku Extreme Arctic Challengep Tasiilami aallartinnissaa qaammatinik marluinnarnik sioqqullugu unammiuaarnermik aqutsisut unammiuaarneq nunarsuarmi tusaamasaq taamaatiinnarpaat.

Holdit 16-it USA-meersut, Canadameersut, Australiameersut, Tuluit Nunaanneersut, Østrigimeersut, Norgemeersut, Danmarkimeersut nunatsinneersullu peqataaniarlutik nalunaarsimagaluarput.

Ammassallip kommuniata karsia imaarussimavoq, annertuumillu sipaarniuteqarnikkut allarpassuit assigalugit unammiuaarnermut kommunip aningaasaliissutissai 150.000 koruunit sipaarniutigineqarsimapput.

– Immaqa kommunip aningaasaliissutai allanit taarsersinnaasimassagaluarpavut, unammiuaarnerli ingerlakkusussimanngilarput meeqqanut inuusuttunullu sammisassaqartitsinerpassuit allat Ammassallip kommunianit sipaarniutigineqarsimammata, unammiuaarnermik aqutsisoq Anders Stenbakken sermitsiaq.gl-imut oqarpoq.

Ammassallip kommuneata naalakkersuisut qinnuteqarfigisimavai 18 millioner koruuninik taarsigassarsiniarnissaminut, aningaasatigut ajornartoorneq qaangerniarlugu.

sermitsiaq.gl-ip paasisai malillugit Kangia/Kitaata kommuneani ikaarsaariarnermut ataatsimiititaliap siuoittaasuata Asii Chemnitz Narupip taarsigassarsinissamik qinnuteqarneq akerlilersimavaa.

Taamaattumillu kommuni taarsiullugu ulluinnarni aqutsinermini annetuumik sipaarniuteqartariaqarsimavoq.

Ammassalik Kangia/Kitaata kommunianut januarip aallaqqaataanit ilanngutissaq Ittoqqortoormiit, Nuuk, Paamiut Ivittuullu peqatigalugit.

Unammiuaarneq Siku Extreme Arctic Challenge nunani allani soqutigineqartorujussuuvoq.

Kingullermik siorna unammiuaarnermit filmiliaq "Our Arctic Challenge" filmfestivalini arlalinni takutinneqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER