Skip to main content

Qaqortumi tuberkulosimik misissuineq

Peqqinnissamik nakkutilliisup illoqarfimmiut 15-it sinnerlugit ukiullit tamaasa kajumissaarpai tuberkulosimut misissorteqqullugit. Aamma nappaammik atuinerannik takussutissaqanngikkaluarpalluunniit.

Misissuineq junip 6-iata tungaanut ingerlanneqassaaq, tamatumani Qaqortormiut illoqarfimmi annoncitigut kajumissaarneqassallutik tuberkulosimut (TB) tarrarsorteqqullugit.

Meeqqat 15-it inorlugit ukiullit tamatumuuna misissorneqassanngillat. Taarsiullugu atuartut klassini aalajangersimasuni atuartut aaverlugit misissorneqassapput atuarfillu aqqutigalugu qaaqquneqassallutik. Meeqqat mikinerit pisariaqartitsineq naapertorlugu misissorneqartassapput. Ukiut kingulliit marluk iluanni puakkut tarrarsortissimagaanni, tuberkuloseqarnermillu takussutissaqanngitsumik, imaluunniit naartugaanni misissortittariaqanngilaq. Naartusut erninermik kingorna misissortissinnaapput.

Ukiuni kingullerni tallimani agguaqatigiissillugu ukiunit 83-inik TB-toqartarmat Kalaallit Nunaat nunatut siuarsagassatut arlalittut inissisimavoq, tassa inuit 100.000-iugaangata TB-rtut 170-it missaanniittarlutik. Nappaammik atuisut 25-30 %-ii meeraapput, meeqqallu tunillatsissimasut nappaammillu atuisut taamak amerlatigimmata tamanna takussutissaavoq inersimasuni tunillaammik siaruaassisoqartoq, peqqinnissamik nakkutilliisoq Flemming Kleist Stenz tusagassiorfinnut allakkamini paasissutissiivoq.

Manna tikillugu TB-mut periuseq kinguneqarsimanngilaq, tamannalu tunuliaqutaavoq maanna tarrarsortitsilluni misissuilernermut.

Ukioq 2012-p tungaanut nuna tamakkerlugu periutsip nutaap ilaatut Kujataani innuttaasut neqeroorfigineqarput ukioq allortarlugu puammikkut tarrarsortittarnissaminnut, misissuinerlu ukioq manna kingusinnerusukkut Narsami Nanortalimmilu ingerlanneqassaaq. Umiarsuaq tarrarsuinermut atortulik 2008-mi septemberimi Kujataani nunaqarfinnut tamanut angalatinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER