Skip to main content

Annertusisamik atuartitsineq Namminersornerullutik Oqartussanit sipaarfiginiarneqartoq IMAK-imit sakkortuumik uparuarneqarpoq

Ukiuni makkunani atuarfinni annertusisamik atuartitsinermik pisariaqartitsineq annertusigaluttuinnarpoq. Taamaakkaluartoq Namminersornerullutik Oqartussat, ukiunut tulliuttunut arlalinnut, tamatuma sipaarniarfiginissaa siunniuteqqavaat.

Taamaattumik kommunerujussuanngortut, tamatuminnga isorinnigatik tigusissappata, tamanna sakkortuumik ajornartorsiutaalissasoq IMAK-ip sinniisoqarfia ulluni 13.-14.april 2008 Ilulissani ataatsimiittoq taama oqariartuuteqarpoq.

IMAK-ip sinniisoqarfiata annertusisamik atuartitsinermik ingerlatsinerup sipaarniarfiginissaa pissutissaqannginnerarpaat - akerlianilli pisariaqartinneqarnerarlugu. Meeqqat amerliartuinnartut annertusisamik atuartinneqarnissamik pisariaqartitsisut paasineqartarput, ilaatigut assigiinngitsutigut innarluuteqarneq, inuuniarnikkut ajornartorsiuteqarneq aammalu annertuumik ilikkarniarnikkut ajornartorsiuteqarneq patsisaallutik.

– Annertusisamik atuartitsinerup sipaarniarfigineqarnerata kingunerisarpaa, atuarfiit ulluinnarni peqqussutip piumasaqaataanik, tassalu meeqqat immikkut pisariaqartitsisut qitiutillugit sullinneqartariaqarnerannik naammassisinnaannginneq.

– Politikerit annertusisamik atuartitsinerup aningaasalersorneranut ikilisaaniartut, aamma inuttut akisussaasuusariaqarput, meeqqat ilaqutaasalu taamatut atugaqartut inuunerminni atugarliornerulernerannut.

– Namminersornerullutik oqartussanut sakkortuumik piumasaraarput sipaarniarnertik unitsittariaqaraat, taamaalilluni kommunerujussuit tigusinerminni meeqqat qitiutillugit atuartitsinissamik piumasaqaammik naammassinnissinnaaqqullugit, aamma meeqqat annertusisamik atuartinneqartussat eqqarsaatigalugit. Ungasinnerusoq eqqarsaatigalugu tamatuma inuiaqatigiinnut akikinnerussammat, IMAK-imi sinniisut tusagassiutinut allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER