Aalborg-ip kalaallit soqutigineerunnikkut iliuuseqarfiginiarlugit neriorsuutigaa

Aalborgip kommuniata kalaallinik soqutigineerunneqarsimasunik pinninnera pillugu isornartorsiuinermut qisuariaateqarfigaa.

Aalborgimi susassaqartitsiviup Kofoeds Skole-p kalaallit soqutigineerussimasut marloriaatinngornerat misigisimavaa. Atuarfiup 2006-imi inuit 104-t attavigisimavaat, ullumikkut kalaallit 200-t sinnillit atuarfimmut ikioqqullutik saaffiginnittarput, DR Nordjylland paasissutissiivoq.

Kommunip suliniutai iluatsissimanngillat, isumaginninnermut siunnersorti Helle Rønn Kofoeds Skole-meersoq oqarpoq.

Isumaginninnermut ingerlatsivimmi pisortap Hanne Manatap ilisimatitsissutigaa, kommunip ajornartorsiut ilisimaarigaa. Tassungalu atatillugu unamminarnerpaartaasoq tassaasoq, kalaallit piffissaagallartillugu nassaariniartarnissaat.

- Inuusuttorpassuit Aalborgimut tikittarput, tassungalu pitinnatik inuuniarnikkut ajornartorsiuteqartuusimanatik. Kisianni immaqa maanga pigaangamik (danmarkimut, aaqq.) iluatsinngitsoortarput, amerlasuullu nakkaattarput piumaneeruttutullu inissittarlutik. Inuusuttut eqqumaffiginerusariaqarpagut, Hanne Manata DR/Nordjylland-imut oqarpoq.

Powered by Labrador CMS