Skip to main content

Aatsitassarsiorneq pillugu isumasioqatigiinneq

Kalaallit Nunaanni aatsitassanik piiaaffiit misissueqqissaarnissamullu periarfissat pillugit isumasioqatigiinneq Københavnimi majip 6-iani 7-ianilu ingerlanneqassaaq.

Greenland Sustainable Mineral & Petroleum Development Conference pisuussutinik piiaanissamik suliffeqarfissuit nunani assigiinngitsuni ingerlatsisunut Kalaallit Nunaanni aatsitassarsiornermik ingerlatsinissamut periarfissanik ilisimasaqarnerulerusuttunut isumasioqatigiiffiuvoq. Aamma aningaasalersuisartunik nunarsuup immikkoortuani tamaani pilersaarutinut piukkunnaateqarsimaasunut ilisimasaqarnerulernissamik kissaateqartunik pilerisaarisinnaanissaq anguniagaavoq, Inuussuk.gl allappoq.

Programimi takuneqarsinnaapput aatsitassarsiornermik ingerlatsisunit misissueqqissaartartuniillu Kalaallit Nunaanni massakkut misissueqqissaarnernik ingerlataqartut imaluunniit Kalaallit Nunaanni suliniutissanik inreiartortitaqartut suliaannik ilisarititsinerit, aammalu nukissiuutinik ujaasisartut imavissuarni misissueqqissaarnernik ingerlataqartuusut.

Aamma avatangiisit isumannaatsuunissaat pinngortitamullu innarliissutaanngitsumik aatsitassanik piiaanermi "best practice" (suleriaaseq pitsaanerpaaq) nassuiaatigineqassaaq.

Sammineqartussat pingaarutillit ilagissavaat akuerineqarnissamut qinnuteqaatit , attaveqarnermut tunnganut, logistik, aamma "best practice" najukkami innuttaasut allarpassuillu suleqatigalugit pilersaarusiornissaat.

The Greenland Sustainable Mineral & Petroleum Development Conference suliffeqarfiit marluk akornanni suleqatigiinnermi aaqqissuunneqarpoq - tassaasut Information Australia aamma Euroforum Denmark.

Informa nunarsuarmi isumasioqatigiinnermik misileraatitsinermillu ingerlatsiviit annersaasa ilagaat aningaasanik niuerfimmi London Stock Exchange-imi nalunaarsimasoq. London Stock Exchange nunarsuaq tamakkerlugu ukiut tamassa aatsitassarsiorneq pillug isumasioqatigiisitsisarnernik 70-oit sinnilinnik ingerlatsisartuuvoq.

Euroforum Denmark suliffeqarfissuarnik isumasioqatigiisitsisartuni annersat ilagaat, taamalu Eujropami aqutsisunut aaqqissuussinernut pitsaasunut aaqqissuussisarnermi misilittagaqarluartuulluni.

Kalaallit Nunaanni Takornariartitsinermut Inussutissarsiornermullu Siunnersuisoqatigiit aatsitassanik piiaasarneq pillugu isumasioqatigiisitsinissamut aaqqissuusseqataapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER