Sapaatit akunnerini pingasuni atuanngillat

Paamiuni ilungersunaannartumik ilinniartitsisussaaleqipput, KNR.gl allappoq

Paamiuni klassit ilaanni atuartut siorna decemberimiilli sapaatit akunnerini pingasuni atuarsimanngillat, tamannalu ilinniartitsisussaqannginnermik peqquteqanngilaq, angajoqqaat ilaat Bo Edwardtsen taama naliliivoq.

Atuarfimmi ilinniartitsisutut atorfiit 30-it missaanniittut ilaat qulit missingi inuttaqanngillat, Najârak' Petersen KNR-imut oqarpoq. Atuarfiup siulersuisuisa taanna meeqqat ilinniartitsisussaqannginneq pissutigalugu qanoq atuanngitsoortigisarnerannik naatsorsueqqqusimavaat.

– Atuartut piumaffigineqartannginnamik suliassaminnik suusupaginnittunngorsimapput. Tamatumalu siunissami kingunerisinnaavaa, atuartut akisussaassusutsimik soqutigisaqanngitsunngorsinnaanerat, Bo Edwardtsen oqarpoq.

Ilinniartitsisutulli atorfiit inuttaqanngitsut qaqugu inuttalerneqarumaarnerat nalunarluinnarallarpoq.

– Sapinngisatsinnik ilioraluarpugut, periarfissalli pitsaanngeqaat, illoqarfimmi mikisumi Paamiutut ittumi atuartitsisunik pikkorissunik pissarsinissaq ajornarkusoortorujussuummat, Paamiut kommuniata meeqqanut, inuusuttunut kultureqarnermullu allaffiani pisortaq Tove Sørensen KNR-imut oqarpoq.

Powered by Labrador CMS