Uulia pillugu Sisimiuni ataatsimiinneq
Qeqertarsuarmi uuliamik ujaasinissaq pillugu innuttaasunik ataatsimiititsesaqattaartoqassaaq
– Uuliamik ujaasinermi suliffissarsisoqarsinnaanera ilanngullugu eqqartorneqanngitsoornavianngilaq, Nuna Oil-imeersoq Hans Kristian Olsen tallimanngormat unnukkut Sisimiuni innuttaassunik ataatsimiititsinissaq sioqqullugu Sermitsiaq.gl-imut oqarpoq.
Innuttaasunik ataatsimiititsineq, tallimanngormat unnukkut Sanaartorermik Ilinniarfimmi ingerlanneqartoq Qeqertarsuup avataani uuliamik ujaasinissamut tunngasuuvoq.
Tamanna pillugu aamma Kangaatsiami, Aasianni, Qeqertarsuarmi, Qasigiannguani, Ilulissani Uummannamilu innuttaasunik ataatsimiititisisoqarumaarpoq.
Uuliasioqatigiiffiit, Namminersornerullutik Oqartussat Aatsitassanut Pisortaqarfiata Nuna Oil-illu sinniisaat pilersaarutinik saqqummiussillutillu innuttaasut apeqqutigiumaagaannik akisisassaapput.
Sumiiffik ujaasiffigineqartussaq Sisimiut avataanniit Uummannap avannaanni Siggummut isorartussuseqarpoq.
–Taamaattumik tamanna aamma Sisimiunut attuumassuteqarpoq, ujaasiffigineqartussaq Disko Vest-imik taaguuteqaraluarpalluunniit, Hans Kristian Olsen oqarpoq.