Narsap eqqaani nannuttoq
Aalisartut ilaat nipisannut qassuseriartorami 2,33 meter-imik angissusilimmik nannoreerluni angerlamut tikippoquia.
Aalisartoq piniartorlu Isak Vahl Narsameersoq Illukasiup saqqaani Tunulliarfimmi ataasinngorneq aprilip arfineq aappaat nannuppoq.
– Quiasaaginnarlunga inuit oqaluuppakka aatsaat putsileraangat nannunniartarlunga, taama nuannaarpalulluni Sermitsiaq.gl-imut oqaluttuarpoq Isak Vahl.
Siornatigut aalisartut piniartullu kattuffianni KNAPK-mi siulittaasuuvoq. Ataasinngornermi putseraluartoq nipisannut qassuseriartorsimavoq.
– Qassuserfissatsinnukarnitsinni nanoq takunngitsoorsimavarput putsermat. Aatsaat uterluta takulerparput sikumiit imaanut aqqartoq, taama Isak Vahl oqarpoq.
– Takuffipput qinoqaqimmat allatut ajornartumik avammut immarinnermut ungooqqaarparput. Pingasunimmi aamma qassuserpugut, taama illarluni oqarpoq nannuttanilu pilannialerlugu.
Akuttusoorujussuarmik Narsami nannuttoqartarpoq.