Skip to main content

Regningerujussaq misissorneqassaaq

Sisimiuni ineqartunut 500-t sinnilinnut kiassarnermut akigassat qaavatigullu akiligassanngortitat maanna iternga tikillugu misissuiffigineqartussanngorput.

– Ajugaavugut maannalu akiligaasat iternga tikillugu misissugassanngortinneqarnerat assorsuaq oqiliallaatigalutigu, Tabithe Olsen Jensen Sermitsiaq.gl-imut oqarpoq. Taassuma allarpassuit ilagalugit kisassarnermut aaqqiissutit kingulliit tuparujussuaatigisimavai, akiligassat siusinnerusumut sanilliullugu qaffasinnerungaatsiarsimapput.

Tabithep inissami kiassarneranut 2006-imi 8.752 kronit akiliutigisimavai. Akiligassat kingulliit naapertorlugit 2008-mi 21.267 kronit akilertussanngortussaavai.

Tupannartoq taanna Tabithe Olsen Jensenip misigisaa Sisimiuni inissiani blokini najugaqartut allat kamaammersimasut ataasinngornermi apriilip 7-iani akerliussutsimik takutitsisippai. Maniitsumi ineqartut aamma taamaattunik misigisaqarsimapput.

Naalakkersuisut siulittaasuata Hans Enoksenip Sisimiuni najugaqartut sinnissaat ataatsimeeqatigai, maannalu akiligassat iternga tikillugu misissorneqartussanngorput.

– Aningaasat ineqartut kontuiniit ilanngaatigineqarsimasut maanna utertinneqarallartussanngorput, iterngalu tikillugu misissuinissaq ingerlanneqartussanngorpoq. Tamatuma kingorna aatsaat regningi sorleq sumut attuumassuteqarnersoq paasinarsissaaq. Tamanna naammassineqarpat ineqartut attartortut ilisimatinneqassapput, taamalu naafferaartumik akilersuinissamut isumaqatigiissuteqartoqassalluni, taamak inissiaatileqatigiinni INI A/S-imi siulersuisut siulittaasuat Kristian Lennert KNR-imut paasissutissiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER