Nunat avannarliit atuakkiat katersuuffiannik pisaarpoq
Kalaallit savalimmiormiullu atuakkiaat nunat avannarliit atuakkiaannik katersuiffimmi atuartitsinermut ministerimit isumassariorfigineqarsimasumi siullerpaami ilaatinneqarput.
Sapaatip akunnerata tulliani nunat avannarliit ataatsimoorussaannik atuakkiaq siullerpaaq - ’Nordisk litteratur til tjeneste’ saqummissaaq. Nunat avannaliit atsarsuaaniit ullutsinnut atuakkiarisarsimasaat nunat avannarliit oqaatsitigut kulturikkullu ataatsimoorutaannut nukittorsaasuussaaq.
Nunani avannarlerni tallimaasuni tamanni naalakkersuisut atuakkiarsuup Nunat Avannarliit Ministeriisa Siunnersuisoqatigiiffiannit aningaasalersorneqartoq tunuliaqutaapput.
Atuagarsuaq taanna qallunaat atuartitaanermut ministeriata Bertel Haarderip 2005-imi nunat avannarliit atuakkiornikkut katsersuuffigisinnaasaannik atuakkiarsuarmik saqqummersitsinissamik suliniuteqarnera nunani avannarlerni ministereqartaanit tapersersorneqarneratigut piviusunngorsinnaasimavoq.
Atuakkianik toqqaanissaq nunani avannarlerni atuakkiortarneq pillugu professori Torben Brostrømimut aamma ph.d.-nngorniarfimmiittumut Anders Rasmussenimut Danmarkimeersumut akisussaafigitinneqarpoq.
Samit, finskit, finskit/svenskit, savalimmiormiut, ålandimiut, kalaallisut, islandimiut, norskit svenskillu atuakkiaannik immikkut ilisimasallit aaqqissuisut peqatigalugit atuakkiarpassuit katitersimavaat:
- Atuagaq nunat avannarliit ataatsimoorutaannik pisuussuterpassuit pillugit Nunani Avannarlerni ilinniartitsisunut atuartunullu tamanut qaaqqusinertut ammasutut taaneqarsinnaavoq. Taanna taamaalilluni nunat ataasiakkaat atuakkiarsuinit qaffasinnermik inissisimalerpoq.
Atuakkami atuakkiat tamarmik oqaasivii atorneqarput allatsaatsimullu ullutsinni atukkanut allanneqarsimallutik. Finskit, saamit, savalimmiormiut, islandimiut kalaallillu atuakkiaat aamma skandinaviamiut oqaasiinut nutserlugit ilaatinneqarput.
Atuakkiat qallunaat, svenskit norskillu oqaasiinik oqaasertalersorneqarsimallutillu nunanut ataasiakkaanut qupersagaarannguartaqarput, atuarfinnut, ilinniagaqarfinnut innuttaasunullu siammasissunut iluaqutissanngorlugit.