Paamiuni iluliarsuup umiarsualivik mileqqavaa
Qaartiterisartup iluliarsuaq qaarteriassavaa, 'Irena Arctica' tulassinnaaniassammat.
'Irena Arctica', sisamanngorpat marsip 6-iani tikissangatinneqartoq ilaatigut containerinik qerititsivinnik 40'-inik angissusilinnik 20-nik Royal Greenlandip Paamiuni suliffissuani suliassanik usivoq, taakkulu usingiarnissaat pingaaruteqarpoq, nunami suliffissuaq ingerlaannarsinnaaniassammat,
Taamaattumik qaartitersisartup sisamanngorpat ullaakkut iluliarsuaq Paamiuni umiarsualivimmik sapaatip akunningajanngortumik milinngatitsisimasoq qaartinniarlugu misilissavaa. Iluliarsuaq 18 meterinik itussusilimmi ikkarlisimavoq.
Ineqarnermut Attaveqaatinullu Pisortaqarfimmik isumaqatigiissuteqarnikkut Irena Arcticap qaartitsinermut ledningi qaartartullu 500 kilo qaartitserisartunit Larsen & Co-meersut Paamiunut nassarpai. Qaartiterisartut ittuata sisamanngornerupo ingerlanerani iluliarsuaq qaarteriassavaa, umiarsualivimmut pulariaa ammarniassammat.