Skip to main content

perorsaasunut pikkorissarnerit 40-t

Nuup Kommuneata ulluunerani paaqqinnittarfinni perorsaasut sulisullu allat suliinnarsinnaanissaat anguniarlugu ukioq manna pikkorissarnissat 40-t neqeroorutigai, nuuk.gl allappoq.

Ilaatigut pineqarpoq NLP-Practition-it, tassaalluni suleqatigiit akornanni aamma meeqqanut tunngatillugu attaveqaqatigiinnerup pitsaanerulernissaanut siunnersuisinnaalernissamik attaveqatigiissinnaalernissamillu pikkorissarneq.

Kommunip Eqqarsartaatsikkut perorsaanikkullu siunnersuisarfiat PPR suleqatigalugu pikkorissarnissat allat pilersinneqarsimapput, soorlu "Meeqqat aliasuttut", "Inersimasunik autismeqartunik oqaloqatiginneriaatsit", "0-6 ukiullit pissusissamisoortumik peroriartornerat", aamma Nuummi Katsorsaavik suleqatigalugu "Meeqqat ilaqutariinni imigassamik ajornartorsiutilinniittut" pillguit pikkorissartitsinissat pilersinneqarsimallutittaaq. Taaneqartut saniatigut pisortanut nakkutilliisartunullu aammalu immikkoortortani aqutsisunut pikkorissartitsinerit, qarasaasianut programinullu pikkorissarnerit, ikiueqqaarnermut allarpassuarnullu.

- Meeqqeriviit assigiinngitsut aamma pikkorissarnernik namminneq suliffimminnut nalequssakkanik meeqqerivimmilu inerlanneqarsinnaasunik kissaateqarsinnaapput. Kikkorissarnissannut assigiinngitsunut nalunaarfissaq kingulleq marsip 1-ianiuvoq, maannamullu tigusagut amerlangaatsiarput, taamak kommunimi paaqqinnittarfilerisut allaffianni perorsaanikkut sunnersorti Jenny Nikolajsen nalunaarpoq.

Nuup Kommunea ukioq manna meeqqerivinni sulisunut ilinniartitseqqiinissanut 1,3 millioner kronit immikkoortissimavai. Aamma allamut aalalrluni pikkorissarnissamut periarfissaqarpoq, assersuutigalugu Narsami INUILI-mi, tassani eqqiaaneq sapigalinnullu nerisassat pikkorissaatigineqartarput. Kommunip pikkorissarnerup aningaasartuutaa akilissavaa, Namminersornerullutillu oqartussat angalaneq najugaqarnerlu akiligassaralugu.

Peqataanissamut nalunaartut qanoq amerlatigissanersut apeqqutaatillugu pikkorissarnerit tamakku 2008-p ingerlanerani ingerlanneqartassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER