Skip to main content

Nuummi Arnat Ulluat

Nuummi Arnat Ulluanni arnaniit arnanut aliikkusersuinerpassuaqarpoq.

Arnat Ulluat aallartippoq marsip 8-ni suleqatigiit Brugsenip saavani nerrivinngualerlutik inuit angutit arnallu naligiissitaanissaannik tapersersuinersut aperisarlugit. Angeraangata meqqimik nipitittagannguamik tunisittarput, ima allassimasoq "naligiissitaaneq angerpara".

Issikkaluaqisoq arnat qiimmattaqaat, kingusinnerusukkullu naligiissitaaneq pillugu Katuap saavani erinarsorlutillu qitipput.

Arnat Kaiska-mut - Kalaallit Nunaanni isiginnaartitsisarut kattuffiat - attuumassuteqartut marsip 8-ni Arnat Ulluat-nut atatillugu Katuami show-imik aaqqissuussisimapput, arnat eqqumiitsuliornerlu nittarsaanniarlugit, show-ilu taasimavaat ”Arnat, Quiassuaatit Erinarsuutillu".

Katuap inersuaaraa paarlersualu inunnik 200-250-inik aalaaluppoq, kisiannili showip immikkoortuata aappaa erinarsortartunik aallartimmat inuttusigaluttuinnarluni naggataagut inuit 300-350-it missaanniipput.

Arnat showimut isumassarsisut tassaapput ilitsersuisartoq aaqqissuussinermullu siunnersorti Bendo Schmidt aamma isiginnaartitsisartoq Varste M. Berndtsson, aamma Henriette Rasmusseni ilisarititsisartuuvoq.

Isiginnaartitsisarfimmi Lucy Tulugarjuk torlummissorlunilu qilaatersorlunilu aliikkusersuivoq, Laila Hansen peqatigalugu.

Makka Kleist, Bendo Schmidt, Sørine Petersen, Else Danielsen aamma najattaaq Joelsen isiginnaartitsillutillu qitillutillu aliikkusersuipput.

Makka Kleist aamma Else Danielsen "Eskimuunngooq"-p ilaani aliikkusersuipput, Bendo Schmidt arnat "kakkortaai" - taakkulu tikki - pillugit oqalugiarpoq, tusarnaartunik assut quiasutsitsilluni.

Marianne Peterseni taalliaanik katersaminit "Niviugaq aalakoortoq allallu"mit tigusaminik atuffassivoq.

Kalaallit arnat erinarsortartut tusaamasaanersaat Julie Berthelsen, Kimmernaq Kjeldsen aamma Nina Kreutzmann Jørgensen pisoqqanik nutaanillu erinarsorput, guitarertartoq Malik Hegelund Olsen guitarertoralugu. Nina kreitzmannip ilaatigut atorpaa "Qulleq", qiiaammernarlunilu qillipinnartoq. Julie Bethelsenip ilaatigut atorpaa "Asaneqarneq" tusarnaartunit nipaartaaneqarluni, Kimmernaq Kjeldsenip ilaatigut atorpaa tusaqqoornartoq "Puuttaarunnaaq". Nipilersorneq tamakkiilluinnartoq arnanit pinnersunit pingasuusunit misigitinneqartoq.

Arnat Ulluanii assilisat aamma takukkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER