SIK akiliisitaavoq
Nunatta eqqartuussisuata Søren Søndergaard Hansenip Sulinermik Inuussutissarsiuteqartut Kattuffiat 800.000 kroninik akiliisussanngortippaa GA-mik isumaqatigiinniarumannginnera pillugu.
Annonce
SIK-p siulittaasua Jess G. Berthelsen tusagassiuutinut tallimanngorneq taama nalunaaruteqarpoq.
- Eqqartuussisup aalajangiinini tungavilerpa SIK-p GA-mik isumaqatigiissutip nutaanngorsarnissaanut pimoorussilluni isumaqatigiinniarsimannginneranik. Nunatsinni eqqartuussisup tassunga tunngaviliussaasa ilagaat SIK piumasaqarsimammat sinniisut pikkorissartarnerannut GA akiliisassasoq, naak aningaasat AEB-p (sulisitsisut akilertagaat, aaqq.) aningaasaataanit pissarsiarineqarsinnaagaluartut, Jess. G. Berthelsen allappoq.
SIK-p siulittaasuata erseqqissaatigaa SIK-p sinniisunik pikkorissaaneri AEB-mit akilerneqarsinnaanngitsut, akilerneqartarsimanngitsullu.