Inuit erinarsuutaat qallunaatut
Niviarsiaq 16-inik ukiulik inuit erinarsuutaannik cd-mi nutaami qallunaatut atuivoq.
16-inik ukiulik Nina Bejer Jørgenseni cd-liami nutaami »Sjæl gør dig smuk.« (Tarnip pinnersisippaatit) inuit erinarsuutaannik qallunaatut atuivoq.
Erinniortoq nipilersornermullu ilinniartitsisoq Aksel Krogslund Olesen erinarsuutinut nipilersuutitaliisuuvoq, erinarsuutit inuunerup ingerlarngani inuunermut nuannaarutiginninnermut oqimaaqatigiittumillu ingerlanermut ilinniartissinnaavaatigut, Kristeligt Dagblad allappoq.
»Erinnat tassaapput eqqarsaatit anersaartornermit erinanngorlugit aninneqrtartut, inuit misigisamit angisuumit aalassatsinneqarlutik oqaatsinik nalingissaasunik oqaatiginnissinnaajunnaaraangata.« Issuaaneq una Inummit Orpigalimmeersoq cd-ip nalinginnaanngitsup uuma atuagassartaani atuarneqarsinnaavoq. Inuit erinarsuutaat amerlanerpaat issittumi ilisimasassarsiortartumit Knud Rasmussen-imit taamanikkut nutserneqarlutillu katersorneqarsimapput.
Akse Krogslund Olesen Løgumkloster Højskole-mi nipilersornermut ilinniartitsisuusoq Kristeligt Dagblad-imut oqarpoq, nipilersuut sunaluunniit erinnamik aallartittartoq. Tassami nipilersuut allanneqartinnani taalliorneqalersinnanilu, kingornagullu nuutitalersorlugu suliarineqalersinnagu erinarsorlugulu niperujoorutigineqaqqaartarpoq, Aksel nassuiaavoq.