Skip to main content

Ikiortissannik biilera qiiavoq

Nuummi biilinik iluarsaaviit ulappupput qaqutigoortumik issinnerujussua pissutigalugu, pingaartumik biilinut dieselitortunut eqquisumik.

– Sisamanngormat tallimanngormallu biilit 30-t missaanniittut aallartinniarnerat ikiorsimavagut. Ullaarnganiit siarnguffigineqartarpugut, Nuuks Automi iluarsaasartup pisortaa Johnnie Jensen Sermitsiaq.gl-imut oqarpoq.

Tallimanngormat ullaakkkut 30-t angungajallugit issippoq, pingaartumillu biilit dieselitortut ullaarnganiit aallartikkuminaattarsimapput. Biiliutillilli biilimik aallartinnissaanut ajornartorsiutit pitsaaliorsinnaavaat.

– Imerpalasoq Additev-imik taaguutilik atorneqarsinnaavoq, taassuma dieselip kinertinnissaa, ullaakkut ajornartorsiortitsisartoq, pitsaaliortarmagu, Johnnie Jensen oqarpoq.

Nuummi Auto Marine Service,AMS, aamma taamatut misigisaqarpoq, taassuma biilit arlallit, issinnersua pissutigalugu aallartinneqarsinnaanngitsut, ornittarsimammagit. Pissutsillu taamaattuupput. Pingaartumik biilit dieselitortut piffissami matumani atugarliortinneqarput.

– Biili issinnera pissutigalugu aallartinneqarsinnaanngippat ataasseq sianigisassaavoq, tassa issinnerata aamma batteriit aserorsinnaammagit, AMS-ip piginnittua Peter Pedersen Sermitsiaq.gl-imut oqarpoq.

– Issinnerani motorinut ajornartorsiutitut pitsaaliusutut atorneqarsinnaasoq tassaavoq uulia syntetiski, Peter Pedersen oqarpoq.

Ulluni tulliuttuni silamik ilimasaarut taamaaginnarpoq. Ississaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER