Skip to main content

Unnuaru qaammat tamakkerluni pulassaaq

Qaammatip pulanera 00:01 aallartissaaq 00:51 naassalluni.

Inuit qilammi pisunut nuannarisallit unnuaru Kalaallit Nunaata qulaani qaammatip tamakkiisumik pulanera isiginnaarsinnaavaat.

Qaammatip pulanera tamarmi nalunaaqutaq 22:43-miit 02.09-p tungaanut ingerlaassaaq, qaammallu tamakkerluni pulassaaq nal. 00:01 taavalu 00:51 naassalluni.

Qaammatip tamakkerluni pulanerani qaammat imisseqqasoq Nunarsuup tarrangissavaa, taamaalilluni qaammat orange aappalunnerusutut imalunniit kanngussattut aappaluttumik qalipaatinissaaq, Tycho Brahe Planetaria Københavnimiittoq internetimi qullernermini www.tycho.dk-mi allappoq.

Seqernup tamakkiisumik pulanerani Qaammatip seqernup qaamarnganik tamakkiisumik assiineranut allaassutigisaanik qaammatip pulanerani Nunarsuup silaannartaata seqernup qalipaataata aappalauttortaa akimortissavaa.

Astrofysikeri Michael J. D. Linden-Vørnle Tycho Brahe Planetariameersoq Sermitsiaq.gl.-imut oqarpoq, Kalaallit Nunaanni pissutsit Danmarkimi pissutsinit pitsaanerusut, Danmarkimut sanilliullugu Kalaallit Nunaata kimmut inissisimanerunera pissutigalugu pilanerup nalaani qilammi qullasinnerusumi inissisimassammat.

2008-mi qaammat marloriarluni pulasussaavoq - unnuaru tamakkerluni pulassaaq, taavalu unnuakkut aggutsip 16-iata 17-iatalu akornanni ilaannakuusumik (partiel-imik taaneqartartumik) pulassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER