Skip to main content

Tunup avannaani uuliasiorneq

Kronprins Christiaap imartaani uuliamik nassaarsinnaanerup ilimanaata 50 procenti sinneqarpoq. GEUS pineqartumi avatangiisinut sunniutaasinnaasut pillugit nalilersuilluni aallartereerpoq.

Uuliasiornerit maannamut Kalaallit Nunaata kitaani ingerlanneqarsimapput. Tamaani uuliasiorfiutileqatigiit soorlu Exxon aamma qallunaat Dong Energy tamarmik immikkut misissuiffigisassaminni misissuinerit aallartereerpaat.

dpc.dk naapertorlugu isumalluarnerit annermik Kronprins Christianip Nunaanut sammitinneqarput - nuna/imartaq Kalaallit Nunaata kangiata avannaaniittoq kitaata sineriaani pineqartutuulli annertutigisumik suli misissuiffigineqarsimanngitsoq, taamaattorli amerikamiut nunap pissusiinik misissuisartut US Geological Survey-p (USGS) maanna sukumiinerusumik misissuiffiginiarlugu aalajangersimavoq.

Kalaallit Nunaata kangiata avannaani uuliaqarfissuit suli nassaarineqanngitsut pillugit eqqoriaanerit pillugit USGS-ip 2000-imi nalunaarusiat maannamut isumalluarnarnersaat ”World Petroleum Assessment 2000” saqqummersinneqarmalli naatsorsuutigisat malunnartumik annikilliartorusaarsimapput. Taamanikkut nunap iluani uulia nappartat 47 milliard-it missaanniittutut eqqoriarneqarpoq. Siorna septembarimi nappartat 9 milliard-it missaanniilersimavoq.

Amerikamiut uuliasiornermik misissueqqissaartartut naapertorlugot nutaarsiassaq qularnaatsoq tassaammat eqqoriaanerit maanna aatsaat tammak tutsuiginartigimmata. Minnerunngitsumik ilisimasanit ilisimatuunnit tamaani misissuisimasunit tunngaveqarmat.

- Nalunaarusiaq siulleq annerpaartaatigut ilisimatuussutsikkut atuakkat assigiinngitsut tunngavigalugit suliaavoq. Massakkut nalunaarusiaq/naliliiineq annermik inunnit pissutsinik piviusunik ilisimasaqartunik oqaloqateqartarnernit tunngaveqarpoq, Flemming Gestreuer Christiansen, De nationale Geologiske Ungersøgelser for Danmark og Grønland-imeersoq, sapaatip akunnerani kingullermi Ingeniøren-imut oqarpoq. GEUS nalunaarusiamut kingullermut paasissutissanik tunniussisuusisuusimavoq, ilaatigut qaqqat akuinut kildbergarte-nik taaneqartartunut tunngasunik.

- USGS-i nunami/sumiiffimmi aalajangersimasumi Nunarsuup noqitsineranut paasissutissanik (data-t) aammalu paasissutissanik saviup kajungerisaanut tunngasunik sajuppillatsitsisarnikkullu paasissutissanik pissarsissussimavarput. Minnerungitsumik uuliamik qalluisinnaaneq siunertaralugu paasissutissat tamakku Kalaallit Nunaata kangiata avannaani nunap pissusaanut nutaamik paasissutissaaleqalernermut tunngaviupput, Flemming Getreuer christiansen nangippoq.

USGS-ip naliliinera naapertorlugu uuliamik nassaarsinnaanermut pariarfissat 50 procentit sinnilaaqqavai. Immikkut ilisimasallit naapertorlugit angunneqaaq, nipillu isumalluarnartut pissutigalugit GEUS-i periusissanut tunngatillugu avatangiisinik nalilersuisitsinerit aallartissimavai, taakkulu uuliaqarfissuaqarsinnaaneranik sukumiinerusumik ujaasinissamik aalajangersinnaanissamut toqqammavissatut atortussaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER