Skip to main content

Ilinniartitsisut oqaatsitigut politikkimik ujartuipput

Aasianni GU-mi ilinniartitsisut arfinillit isumaqarput qallunaanut GU-mi ilinniartitsisunut kalaallisut atuartinneqarneq atorfinitsitaanermi ilaasariaqartoq.

Meeqqat atuarfianni kalaallit qallunaallu oqaasiinik atuartitsinerup pitsaanerusumik ingerlanneqarsinnaanera malunnarpoq. Tamanna allat isumagissavaat. Kisianni atuartut ilinniarnertunngorniarnermut killippata oqaatsitigut plotikki erseqqissumik malittarisassaqartoq malinneqartorlu nalaassinnaasariaqarpaat.

Tamanna ilinniatitsinerup iluani atorneqassaaq, kisianni aamma ilunniartitsinerup avataani pisuni tamani annertunerujussuarmik atorneqassalluni; ataatsimoortumik ataatsimiinnerni, kulturikkut pisoqarfiusuni, nalliuttuni, ullaakkut katersuunnerni, il.il. Pisumi aalajangersimasumi iliuuserineqarsinnaasoq tassaavoq, suut tamarmik oqaatsit marluiit atorlugit ingerlatsinissamik aalajangiinissaq. Nivinngakkat, nalunaarutit, oqallisissiat, il.il, nutserneqartariaqarput imaluunniit oqaatsit allat atorlugit imaqarniliorneqartariaqarlutik.

Taamak GU-mi ilinniartitsisut arfinillit Gymnasieskolen-ip internetimi Nutaarsiassaqarfiani allapput.

- Pissutsit maannakkut imaapput, soorlu ilinniartitsisut inaanni "Namminersorneq pillugu oqalugiarneq?, Naagga, kalaallisut ingerlassagunarpoq, uagutsinoortuunngilaq". Imalunniit ilinniartut akornanni; "Aasit qallunaatuinnaq ingerlaleqaaq". Tamanna ataqatigiinneq atuarfiup pitsaasup suliffiullu pitsaasup qiteralissaralunik avissartitsilluni putsumik "taannaana allat"-nik isummanik pilersitsiffiuvoq.

- Pisoq aalajangersimasoq pillugu qallunaatut oqalugiarneq sooq kalaallisut imaqarniliorneqassava? Pissutigalugu inuit qallunaat oqaasiinik ajornartorsiortut ikiorneqassammata, aammalu qallunaat kalaallit oqaasiinik ajornartorsiortut ikiorneqassammata.

- Ilinniartunut kalaallisut ilisimatitsissut sooq qallunaatut nutserneqassava? Pissutigalugu ilinniartut ilaat ilinniartitsisullu amerlasuut kalaallisut suli oqalussinnaalersimanngimmata, aamma atuarfimmi inuuneq tamarmi tamanut soqutiginaateqarmat. Aamma ilinniartitsisunut qallunaanut.

Qallunaat ilinniarnertuunngorniarfinni ilinniartitsisut kalaallisut ilinniartariaqarput

- Kikkullunniit nunani inuuffigisaminni suliffigisaminnilu oqaatsit ilinniarnissaat soorunami kissaatigisarpaat, kissaatiginngikkaluarpassullu taakkununnga piumasaqaatigisariaqarpoq. Tamanna Danmarkimi nunanit allamiunut atugassarititaavoq. Qallunaatut ilinniarit, taamaaliunngikkuit inuuniarnikkut piginnaatitaaffiiarneqassaatit. Aamma piffissaq sivisunerusoq eqqarsaatigalugu Kalaallit Nunaanni piumasaqaatit taamaattariaqarput. Kalaallit Nunaanni suliniaraanni sapinngisaq naapertorlugu oqaatsit ilinniartariaqarput. Oqaatsit inuiaqatigiinni kulturikkut qiteraliupput, taamaattumillu inuiaqatigiinnut akulerunneq oqaatsitigut pisarpoq. Pingaaruteqarluinnarpoq, ilinniartitsisut nunap inuusuttortaannik ilinniartitsisuutut inuiaqatigiinnut akulerukkusussutsimut piumassuseqarnermik takutitsinissaat!

Allanertat oqaasiinik ilinniarneq nalunartuullunilu ilinniarnertut allatulli piffissaqarfigalugulu piumassuseqarfigisariaqartoq. Illuatungaani oqaatsit aqqutigalugit kulturimut nutaarluinnarmut pulasoqarlunilu inuunermik nutaarluinnarmik isiginnittaaseqalernarpoq.

- Aasianni GU-mi ukioq manna iluatsitsilluarsimavugut. ASG-mit - Kalaallit Nunaanni Ilinniagartuut Kattuffiannit - kalaallisut ilinniartunik aallartitsisimavugut, tassani ilinniartitsisut qallunaat affaat pitsaalluinnartumik ilinniartinneqarlutik. Sunngiffimmi ingerlanneqartarpoq.

- Kisianni - suliniarneq taanna suliatsinnut ilaatinneqartariaqanngilaq, taamalu aamma akissarsiaqaataatani, soorlu Kalaallit Nunaanni meeqqat atuarfianni ilinniartitsisunut taamaattoq? Piumasaqaat maannangaaq upernaamut isumaqatigiinniarnissanut ilanngunneqareertariaqarpoq, kisianni qanorluunniit pisoqaraluarpat ilinniarfinni ataasiakkaani aningaasanik immikkoortitanik peqarpugut - "nukattunut tapisiat" - taannalu ilinniartitsisoqatigiinni ataqatigiissutsimut nukittorsaataanngivippoq, taamak aperipput GU-mi ilinniartitsisut arfinillit, Frank Jørgensen, Jesper Nielsen, Kasper Busk, Nicolaj Heiredal, Sofie Dahl aamma Tove Overgaard aperipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER