KNR-ip siulittaasussarsiorneq aallakaatissavaa
Inatsisartut siulittaasussaannik siulittaasoqarfianillu toqqaaneq KNR TV-kut Radiokkullu tallimanngornermi ualikkut toqqaannartumik aallakaatinneqassaaq.
Annonse
Jonathan Motzfeldtip marlunngormat tunuarniarluni aalajangernerata kingorna Inatsisartut siulittaasumik nutaamik toqqaassallutik immikkut ittumik ataatsimiilerpata KNR-ip isiginnaartartui tusarnaartartuilu nal. 15-imiit malinnaasinnaassapput.
Siulittaasussatut qinigassat marluugallarput, tassa IA-p inatsisartunut ilaasortaatitaat Josef Motzfeldt, illua-tungiliuttunit tapersersorneqartoq, aamma Siumup qinigassanngortippaa Ruth Heilmann, taamaattumik kiap Jonathan Motzfeldt kingoraassaneraa kinaassanersoq Atassutip aalajangertussanngorpaa.