Skip to main content

Air Greenland atlantikoq qulaallugu immikkut timisartuliiniarpoq

Timmisartuutileqatigiit ataasingormat timmisartuussinissaraluup taamaatinneqarnerata kingorna aaqqiiniarluni Boeng-iutaa marlunngorpat Kangerlussuarmut immikkut ittumik timmisartuussiniarpoq.

Kangerlussuarmi eqqaanilu sakkortuumik anoraasuaqattaarnerata ingerlaannarnera pissutigalugu Air Greenlandip ataasinngormat Kangerlussuarmut kangerlussuarmiillu timmisartuussinissat tamaasa taamaatiinnarpai. Tamannalu peqqutigalugu atlantikoq qulaallugu timmisartoq ataasinngormat ullaakkut Københavnimut utiinnartariaqarsimavoq.

Taamattumik timmisartuutileqatigiit Boeing 757-iutaat Kunuunnguaq marlungornermi januaarip 22-iani immikkut ittumik timisartuusseqqinniarpoq. Saniatiguttaaq Kangerlussuup, Nuup, Ilulissat Aasiaallu akornanni immikkut ittumik timmisartuusseqattaarnissat pilersaarutaapput, Air Greenland tusagassiorfinnut nalunaarutikkut ilisimatitsivoq.

Timmisartuutileqatigiilli nassuerutigaat angalasut tamaasa angalanissaat naammassisinnaassanagit. Angalasut ataasiakkaat marlunngornermi apuuffissaminnut apuussinnaassanngillat, kisianni Air Greenland sila peqqutigalugu maannakkorpiaq qanoq iliuuseqarsinnaanngilaq, timmisartuutileqatigiit allapput.

Danmarkimiit allakkat poortukkallu eqqarsaatigalugit taakkua marlunngornermi Kalaallit Nunaannut nassiunneqassapput, allakkallu marlunngornerup ingerlanerani ingerlateqqinneqassallutik. Nassiussat pingasunngorpat januaarip 23-iani ingerlateqqinneqassapput, Air Greenland ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER