Sisimiut internetimi nutaamik nittartagartaarpoq
Sisimiut kommuneat Maniitsup kommuneanik kattunnissaq sioqqullugu kommuni, inuussutissarsiorneq takornariaqarnerlu pillugit paasissutissartalimmik internetimi nutaamik nittartagartaarpoq.
»Kommunemit ingerlanneqartumik ilisimasanik toqqorsiviit Kalaallit Nunaanni annertunersaat« - taamak nittartagaq pillugu kommunip nammineq nassuiaataa nipaqarpoq, nittartakkap adressia sisimiut.gl-iuvoq.
Quppernermi internetimik atuisartut assersuutigalugu paasissutissanik imaattunik periarfissippai, Maniitsorlu kattunnissaq, aallarnisaasunngornissamut periarfissat, Sisimiuni suliniutit annertunerit kiisalu takornariaqarneq aamma Arctic Circle Race.