Igasup aquttullu annaappaat

Politiit angallataanni SISAK IV-mi igasoq aquttorlu Qaqortumi annaassiniarnermi pingaaruteqarluinnarsimapput.

Qaqortup umiarsualivia.

Igasoq Johannes Biilmann naapertorlugu nammineq aquttorlu Buster Berthelsen, politiit angallataanni Sisak IV-mi inuttat, siulliullutik ikiuisuusimapput, sisamanngormat umiartortut marluk Qaqortup umiarsualiviani imaanut nakkarmata.

– Uagut qatserisartut kalerrippavut angutillu allunaasarsuarnik kaajallallugit igitsiffigalugit qaqinniarsariniarniassagatsigit, Johannes Biilmann Sermitsiaq.gl-imut oqarpoq. Taassuma taamatut qisuariaatigaa ullaaq nutaarsiassani oqaatigineqarmat pingaartumik pigaartut eqeersimaartut umiartortut marluk imaanut nilleqisumut nakkartut annaanneqarnerannut pissutaasut.

Johannes Biilmannip pakatsissutigaa Qaqortumi politeeqarfiup ittuata Jack Nathansenip igasup aquttullu iliuuseqarsimanerat annaassiniarnermik oqaluttuarnermini pingaaruteqartissimanngimmagit.

Powered by Labrador CMS