Skip to main content

Kalaallit Nunaat nutaamik pisortassatut ilinniarfittaassaaq

Sanaartornermik ingerlatsinermi pisortassatut ilinniarfik nutaaq Nuummi neqeroortigneqarpoq, taamaalilluni kalaallit sanaartornermik ingerlatsisut pisortatik tigumiinnarsinnaalerniassammatigit.

Pisortat pikkorissut sulisunik pikkorissunik kajungilersitsillutillu suliffeqarfimmi ineriartortitsisarput. Taamaammat suliffeqarfiit sanaartornermik ingerlatsisut akornanni pisortassanik pissarsiorneq annertusiartorpoq.

Pissarsiorneq ima annertugitilersimavoq, Dansk Byggeri-p Byggeriets Lederuddannelse (Sanaartornerup Pisortassatut ilinniarfia) Kalaallit Nunaanni Sulisitsisut Peqatigiiffiat suleqatigalugu neqerorutigisimallugu, UgensErhverv.dk allappoq.

- Sanaartornermik ingerlatsivinni piumasaqaatit annertuujupput, taamalu suliffeqarfiit pikkorissunik pisortaqarnissaat pingaarutilerujussuuvoq. Pisortat pikkorissut sulisut pikkorissut kajungilersissinnaallugillu tigummiissarsinnaasarpaat, suliffeqarfimmillu ineriartortitsisarlutik. Uagut aamma neriuutigaarput suliniutikkut ugguuna kalaallit suliffeqarfiini sanaartornermik ingerlatsisuni pisortat pigiinnarneqarsinnaanerannut peqataasinnaassalluta, Eva Kartholm, Dansk Byggeri-mi immikkoortortami pisortaasoq oqarpoq.

Ilinniagaq ukiup affaa avillugu sivisussuseqartoq inunnut sulinermik misilittagaqartunut saaffiginnittuuvoq. Byggeriets Lederuddannelse-mi peqataasut nalinginnaasumik sapaatip akunneranut ulloq ataaseq atuarfimmiitinneqartarput, kisianni ilinniarneq Nuummi ingerlanneqarpat peqataasut ilinniartitaaneq tamakkiisumik malinnaaffigissavaat, taamaalilluni immikkoortoq ataaseq sapaatip akunnera ataataaseq ingerlanneqassalluni.

Kalaallit Nunaanni isorartussuseq piffissarlu angalanermut atorneqartussaq angallannermilu pissutsit peqqutigalugit ilinniartitaaneq allaanerulaartumik ingerlanniartariaqarpoq.

- Qallunaat suliffeqarfii pisortaminnik kalaallit nunaanniititaqartut naatsorsuutigisinnaavaat, ilinniartitaaneq pitsaassutsikkut sivisussutsikkullu qallunaat nutaanni ingerlaneqartartoq assigerluinnarmagu, Eva Kartholm neriorsuivoq.

Ilinniartitaaneq aamma Teknik og Konstruktørforeningen-imi ilaasortanut neqeroorutaavoq, taakku marluullutik ilinniartitaanermut tunngatillugu Dansk Byggeri-mik suleqatigiinnissamut isumaqatigiissuteqarsimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER