Skip to main content

Nuup Timersortarfissuani ikuallattoq

NUTARTIGAQ: Nuup Timersortarfissuani sauna sisamanngormat unnukkut ikuallalersimavoq. Politiit isumaqarput ikuallanneq piaaraluniigaanngitsoq.

Nuummi politiit ilisimatitsissutigaat, ikuallannermi ajoqusertoqarsimanngitsoq, ikuallattorlu nal. 22 qaminneqartoq.

Qatserisartut kalerrisaarisoqareersorlu nal. 19.24 Nuup Timersortarfissuanukaapput. Qatserinermi aqutsisuusup Mike Høeghip ilisimatitsissutigaa, inneq 1 tiimi missiliorlugu qaminniarneqarsimasoq. Tamatuma kingorna qamisaaneq silaannarissaanerlu tullinnguussimapput. Mikep ilanngullugu ilisimatitsissutigaa pujoq ajoqusiingaatsiarsimasoq, kisianni timersortarfiup saunaa kisimi eqqorneqarsimasoq. Maanna silaannarissaallunilu eqqiaallunilu suliassaq annertungaatsiartoq tullinnguuppoq.

– Isumaqarpunga eqqiaasoqareerpat timersortartut hali ullut marlussuit qaangiuppata atoqqissinnaalissagaat, Mike Høegh Sermitsiaq.gl-imut oqarpoq.

Qatserinermi aqutsisuusup piaaraluni ikuallatsitsisoqarsimanissaa ilimaginngilaa, kisianni politiit maanna susoqarneranik paasiniaallutik aallartittut innersuussutigai.

Nuummi politiini pigaartuusoq politiit pisortaata tullia Johan Davidsen ilisimatitsivoq, politiit ikuallatitsisoqarsimasinnaanera ilimaginngikkaat.

– Kisianni ikuallaqqaarfiusoq suli misissunngilarput aqagulu (talimanngorneq, aaqq.) qaammarpat misissuineq ingerlateqqissallutigu, Johan Davidsen Sermitsiaq.gl-imut oqarpoq.

Sermitsiap assiliisua Leiff Josefsen ikuallaffimmiippoq. Assilisai takukkit uani

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER