Atuarfiup namminersortup pisortaa soraarpoq

Atuarfimmi pisortaq Naja Kleist Stork naapertorlugu soraarnermut peqqutaavoq, nammineq siulersuisunit tapersersorneqannginnini misigisimagamiuk.

Nuummi atuarfiup namminersortup siulersuisui ataasinngormat januaarip 28-iani atuarfiup pisortaanit Naja Kleist Stork-imit soraarniuteqarneq tiguaat.

Siulersuisut maannakkorpiaq ajornartorsiuteqarfiit assigiinngitsut maanna pinngorsimasut piaarnerpaamik aaqqinniarnissaat ilungersorlutik sulissutigaat.

– Siulersuisut pisut maanna atuarfimmi, taamalu aamma meeqqanut, sulisunut angajoqqaanullu eqquinerat ajuusaarutigaat.

–Manna iluatsillugu Najamut qujarusupput, Najap atuarfimmut annertuumik suliniuteqarsimanera pillugu.

– Kirsten Bitsch – decembarilli aallartinneraniit vikar-iusimasoq nalunaarpoq, januaarip naaneraniit vikar-iujunnaarniarluni. Aamma Kirstenimut suliarpassuinullu qujavugut.

– Qulaani taaneqartut imaannaanngitsunik suliassaqartilerpaatigut, taakkulu siulersuisut angajoqqaanik oqaloqatigiissutigerusuppaat, tamannalu tunngavigalugu matumuuna angajoqqaat ataatsimiigiaqqussummik nassinneqarput, Nuummi atuarfiup namminersortup siulersuisui tusagassiorfinnut nalunaarummi allapput.

Powered by Labrador CMS