Tusagassiortunut isumaqatigiissut nutaaq
Kalaallit Nunaanni tusagassiortunut ingerlatsinermullu teknikerinut allanullu Kalaallit Nunaata Naalakkersuisuisa Dansk Journalistforbund/Tusagassiortut Peqatigiiffiat-alu akornanni isumaqatigiissutaata nutarterneqarnissaa januaarip 24-iani atsioqatigiissutigineqarpoq.
Isumaqatigiissutimmi pineqarput tusagassiortut 83-it, paasissutissiisarfimmi sulisut ingerlatsinermullu teknikerit, tamakku amerlanersaat KNR-imi sulisuullutik, isumaqatigiissullu 2007-imi aprilip 1-ianiit 2010-mi marsip 31-ata tungaanut atuuppoq.
Isumaqatigiissummi tunngaviusumik 8 procentimik qaffaanissaq anguneqarpoq. Qaavatigut KNR-ip digitaliseererneranut atatillugu allanngortiterinermut tunngasut aammalu kommunini suleriaatsit allanngortiternerisa piviusunngortinneqarnerinut atatillugu atorfinnik nutaani pilersitsinerit ilanngunneqarput. Isumaqatiginninniarnerit pitsaasumik ingerlanneqarsimapput.
Isumaqatigiissutikkut KNR-imi Radiomi TV-milu ilaatigut pensionimut ileqqaarnermut 1 procentimik qaffaapput, tamannalu Namminersornerusuniit kalaallit Nunaanni persionit pitsanngorsarnissaannik suliniuteqarnerannut naapertuuttumik.
Aqqissuussaanermik nutarnerinernut atatillugu kommunerujussuassani paasissutissiisarfissani sulisussat atorfiisalu taaguutaat nutaat atuutilersinneqassapput.