Skip to main content

Namminersornermut Isumalioqatigiissitaq inuusuttut soqutiginngilaat

Naminersorneq pillugu oqalugiarnerup aallartinneraniit inusuttut siulliit aniinnarnissaannut sivisungaanngilaq.

Ilinniartut 120-t missaanniittut Nuummi Ilinniarnertuunngorniarfiup nerisarfianiNamminersornerusut namminersornermut tunngasunik allaffeqarfiani immikkoortortaqarfimmi pisortap Mininnguaq kleistip allaffimmilu pisortap Karin kleist-Johansenip namminersorneq pillugu nalunaaqutaq qulinut oqalugiarnissaannut aggiasimapput. Kisianni minutsit 20-t missaat qaangiutiinnartut ilinniartuut siulliit anipput.

– Uagut soqutiginngilarput, ilaat aniartuutigaluni oqarpoq.

Ilaasa niaqqutik assamminnut tutsisimaarpaat, ilaat tasitsaartut, allallu aatsaartarniarlutik, ilaat oqallillutillu illakuluttarput, inuusuttullu ilaasa taamaatinniaraat. Ilinniartunik sapiiserlutik anisoqariartoq ilaasa allat malittaraat, taamalu issiaviit tunorlerniittut inuerukkiartorusaarput. Ilinniartut ilaata kiinnani jakimi nasartaanik assersimavaa - isini qasuersinaarniarai.

Nalunaaqutaq ataaseq qaangiummat ilinniartut Mininnguaq Kleistimut apeqquteqarsinnaalerput. soqutiginnittoqarpoq, kisianni issiviannit saarlerpaanit sisamanit apeqqutit takkuttarput, aperisullu apeqqutaat tunorlerni inissisimasunit tusaaneqarsinnaanngillat. Naak aperisoqartaraluartoq Mininnguaq suli kisimiunerusoq oqaluttuuvoq.

Niviarsissat ilaat nerrivinni tunorlerpaat ilaanni inissisimasoq naammagittarunnaavippoq. Anersaarululluni eqqissiveqanngilaq. Niui issakaarusaarput, ilinniartitsisorlu aperimmat anersaaruloqqilluni. Ullup-qeqqata missaani nerrivinni sumi tamaani nipituumik oqallittoqaqaaq, taava Mininnguaq Kleistip ilinniartut naggataagut aperai qasunersut. Inersuaq nippaallugu tamarmik "AAP"-imik akipput, taava oqalugiarneq naammassivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER