Kangaamiut avannaani nunaqarfinnut angalaneq unitsinneqassaaq

Naatsorsuutigineqassaaq Royal Arctic Bygdeservice A/S-ip Kangaamiut avannaanni nunaqarfinnut imaatigut angalaneq unitsissagaa tamatumunngalu pissutaavoq tamaani annertuumik sikuniarnera.

Tamatumunnga ilutigitillugu ulluni aggersuni ilimasaarutigineqarpoq anorip avannaq kippasissumeertuunissaa, taamaappallu naatsorsuutigineqartariaqarpoq anorip siku kujammut nunap tungaanut ajassagaa.

Angaju Ittuk maannakkut Maniitsumi uninngavoq illoqarfiullu avannaani sikoqarpallaarnera pissutaalluni avannamut angalasinnaaneq ajornakusoortippaa. Taamaattorli umiarsuup pingasunngorneq februaarip arfernganni Kangaamiunukarniaraluassaaq – sillimaniarnerilli pissutigalugu nassiussat kisiisa usigissavai.

Sikup qanoq issusia sukumiisumik malinnaavigineqassaaq kiisalu nunaqarfinnut assartuineq pissutsit tamanna ajornarunnaarsinniariarpassuk aallarteqqinneqassaaq.

Powered by Labrador CMS