Skip to main content

Meeqqat atuarfianni atuartut nalilersorneqarput

Kalaallit meeqqat atuarfianni atuartut atuartitsissutini kalaallisut, qallunaatut, matematikki tuluttullu nalilersorneqaqqammerput.

Nalilersuineq meeqqat atuarfianni kulturip nutaap atulerneranut aallarniutaavoq, tassa atuartut ataasiakkaat immikkut ikiortariaqartut sukkanerusumik ikiorserneqarsinnaalernissaannut tunngatillugu atuartut piginnaasamikkut nalilersorneqartalissammata. knrl.gl tammak allappoq.

Inerisaaviup, Kalaallit Nunaanni Ilinniartitaanermut ilisimatusarnermut Ingerlatsiviata, kalaallit nunaanni meeqqat atuarfianni Trintest 2007-imik taasami inernerit saqqummiuteqqammerpai.

Meeqqat atuarfianni atuartunut 7. klassemiit qummut kalaallisut, qallunaatut, matematikkimi, tuluttullu piginnaasaat aatsaat siullerpaamik nalilersorneqarput.

– Atuartut nalilersorneqassapput, atuartut ataasiakkaat atuarfimmi ingerlariaqqinnissaannut eqqoqqissaarnerusumik siunniussaqarnerusumillu pilersaarusiorfigineqarsinnaanerannut tunngavissarsisinnaajumalluni, Esekias Therkildsen Inerisaavimmi avataaniit nalilersueqataatitaq oqarpoq.

3. aamma 7. klassit nalilersorneqarput. Taakku ulluinnarni nukittuffii sanngiiffiilu uuttortarneqarput, taamaalilluni piffissaagallartillugu iliuuseqarfigineqarsinnaammata.

Aamma perorsaanerup tungaatigut imaluunniit meeqqat atuarfiata iluani paasissutissanik ilisimatusarnermut atugassanik katersisoqartussaavoq.

Meeqqat atuartut ilinniartitsisullu nalilersuinermi suleqatigiipput. Angajoqqaat aamma malinnaanissaminnut periarfissaqarput.

– Atuartup atuagarsornikkut piginnaasamigut pitsaanerpaamik qanoq angusaqarsinnaaneranut angajoqqaat isummaminnik ikiuussinnaanerminnullu annertuumik periarsissaqarput, Esekias Therkildsen oqarpoq.

Nalilersuinermi karakteriliisoqarneq ajorpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER