Nissebandikkut nunatsinniinnerat ammartakkani pitsaanersaavoq
"Nissebanden i Grønland" juullimut ammartakkani pitsaanerpaatut toqqarneqarsimavoq taasisut 32 procentiannik taaneqarluni
TV 2 Gossip-ip atuartartuisa Danmarks Radiop 1980-ikkunni juullimut ammartagatoqaanut marlunnik isumaqarput: Tamakkiisumik tapersersorpaat imaluunniit soqutiginngivippaat.
Juullimut ammartagatoqqat pitsaanerpaat taasissutigineranni taasisunit katillugit 5800-nit kingullertut naliliisut 200 sinnilaaginnarlugit amerlassuseqarput.
"Torvet" 1981-imi 1987-imilu aallakaatinneqartoq, 69-inik taaneqarpoq. "Skandalen" 1980-imeersoq "Jul og grønne skove" ("Hulet i jorden"-itut ilisimaneqarnerusoq) angusarissaarnerulaarluni 75-inik taaneqarsimavoq. "Kirkebakkeboligby" 62-inik taaneqarsimavoq, atuisartullu isumaqangajapput 1988-imi tv-mut akiliutit utertinneqartariaqartut, ukioq taanna aallakaatitaq "Cirkus Julius" 21-iinnarnik taaneqarmat.
Illua'tungaani soorunami ajugaasoq toqqarneqartussaavoq. "Nissebanden i Grønland"-ilu taasisut 32 procentiannik taaneqarpoq. Normu 2-ngorpoq "Jul på slottet" 20 procentinik taaneqartoq. *Jul i Gammelby" bronzenappoq1000-it sinnilaarlugit taaneqarluni, tassa 18 procentinik.