Skip to main content

NunaMinerals Ro Tinto-lu suleqatigiilersut

Kalaallit Nunaata aatsitassarsioqatigiiffia NunaMinerals nunarsuarmi aatsitassarsiutileqatigiit annersaasa pingajuallu Rio Tinto suleqatigiinnissamik isumaqatigiissummik atsioqatigiittut berlingske.dk allappoq.

Nunarsuarmi aatsitassarsioqatigiiffiit annersaasa pingajuat Rio Tinto aatsaavissuaq Kalaallit Nunaannut pivoq, aatsitassanik piiaanissamut pilersaarutinik ineriartortitsiniarluni. Kalaallit Nunaanni aatsitassanik misissueqqaarnermik piginneqtigiiffeerannguaq NunaMinerals Rio Tinto-lu qanittukkut suleqatigiinnissamut isumaqatigiissummik atsioqatigiipput. Aatsitassarsiornermik ingerlatsinermik ingerlataqartut naliliinerat naapertorlugu misissueqqaarnerit sukkanerusumik ingerlanneqarsinnaappput taamalu siunissamik aatsitassanik piiaanermit aningaasarsiorlualersinnaanermut periarfissat nukittorsarlugit.

Suleqatigiinnissamik isumaqatigiinnermi siunertaavoq Kalaallit Nunaanni aatsitassatigut periarfissat misissuiffigineqarnissaat. Isumaqatigiissutikkut aatsitassarsiornermik ingerlataqartut akornanni Kalaallit Nunaanni aatsitassanik piiaffiusinnaasunik ujaasinerannik pilertornerusumik ingerlatsiniarsinnaalernissaq, aatsitassat aligoqqinniit saviminissanut akisuunut eqqartorneqarput.

»Isumaqatigiissut NunaMinerals-ip suliluarsimaneranut naqissutaavoq. Uagut nunatsinnik ilisimasaqarnerput piginnaaffeqarnerpullu Rio Tintop piginnaasai misilittagaalu ataatsimoortillugit aatsitassarsiornermik misissueqqaartarnerni nunarsuarmi killeqarfit misissuiffigineqarluarsimanngitsut kingullersaasa ilaanni misissueqqaarsinnaanermik suleqatigiinnik sunniuteqarluarsinnaasumik pilersitsisuuvoq,« taamak NunaMinerals-ip piosrtaa Ole Christiansen berlingske.dk-mut oqarpoq.

NunaMinerals ukiut kingulliit ingerlanerini misissueqqaarnissamik suliniutissanik piukkunnarluinnartunik nassaartarsimavoq, Ole oqarpoq. NunaMinerals nunat tamat akornanni suleqatissamik aningaasaatilissuarmik sivisuumik suleqataasinnaasussarsiorsimavoq. Rio tinto-mik isumaqatigiissut unaMinerals-imut tusaamasannguutaavoq, NunaMinerals misissueqqissaarnissamut pilersaarutinik annertunerusunik ineriartortitsinissamut, taamalu Kalaallit Nunaanni aatsitassanik piiaaffinnik pilersitsinissamut aningaasaliissutaasinnaasunik pilersitsisinnaaneranut inissisimanermigut sanngiippallaarpoq.

Rio Tintop aallaqqaammut NunaMineralsip aatsitassanik misissugassatut piiakkanik kisitsisaataanik paasissutissaataanillu suliniutigisimasarpassui misissoqqissaaqqaassavai. Tamatuma kingorna aatsitassarsiutileqatigiiffissuup suleqatigiinnissamik isumaqatigiissummut atatillugu NunaMineralsip pilersaarutaa sorleq pulaffiginiarnerlugu Rio Tintolu pilersaarutinut ataasiakkaanut qanoq anertutigisunik aningaasaliisinnaanerluni aalajangersinnaavaa. Rio Tinto piginneqataassutinik qanoq annertutigisumik piginneqataassuteqarnissaa pilersaaummiit pilersaarummut NunaMinerals-imik isumaqatiginninniutigineqaqqaartussaasassapput.

NunaMinerals aningaasanik niueruteqartarfimmi annertunngitsumi Dansk AMP-mi nalunaaqqasoq mikisuarannguuvoq, illuatungaatigut Rio Tinto 25 milliarder dollarsinik - 125 milliarder kronenik kaaviiaartitaqartoq - A.P. Møller-Mærsk-ikkut affangajaata missaanik angisitigisumut - sanilliutissagaanni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER