Niuernermik Ilinniarfik AAU-lu suleqatigiittut
Aalborg Universitet suleqatigalugu Nuummi Niuernermik Ilinniarfiup Afsætningsøkonomi-mi aamma Regnskab & Økonomistyring-imi HD-ertuni immikkoortuata aappaa aallartippaa.
Afsætningsøkonomi-mi HD imm. 2-mi siunertaavoq suliffeqarfiup nittarsaassinermut ingerlatsiviani atorfinnik qaffasinnerusunik tigusisinnaalernissamut piginnaasaqalersitsinissaq (tunisassiornermut pisortaq, tuniniaanermut pisortaq, misissueqqissaartarfimmi pisortaq, nittarsaassinermi pisortaq, il.il.) Regnskab & Økonomistyring-imut tunngatillugu siunertaavoq pingaartumik niuernerup, suliffissuaqarnerup kiffartuussinerullu luni qaffasissumik atorfinnik tigusisinnaalernissamut atuagarsornikkut piginnaasatigut qaffassaanissaq.
HD imm. 2-p siammasissusia suliffeqarfinni allaffissornikkut pisortaqarfinni imaluunniit aqutsisoqarfinni ingerlatsivinni allani aningaasaqarnikkut ingerlatsinermut ikiussinnaalerluni sulisinnaalernissamut toqqammavissiisuuvoq.
Aamma Kalaallit Nunaanni inuussutissarsiornermik ingerlatsinermut Kalaallit Nunaannilu innuttaasunut iluaqutaasussamik sulisorisat piginnaasaatigut nukitorsarlugillu qaffassarneqassapput.
Tamanna aamma Nuummi Niuernermik Ilinniarfimmi ilinniakkat nangittaartuunissaannut qularnaarinnittuuvoq, maanna NI-2-mi Akademimik ilinniarfiit HD imm. 1-imi merit-inngorniarnermut atorneqarsinnaammat.
Qinnuteqarfissaq kingulleq 2008-mi aggutsip 1-iat, ilinniartut 2008-mi septembarip 1-iani aallartissapput.