Skip to main content

Kalaallit Nunaata qulaani ullorissat anaat aamma

Sisamanngornerup tallimanngornerullu akornanni unnuakkut ulorissat anaat nalunaaquttap akunneranut 120-iusassapput

– Ukiutoqqap unnuaani paassarsunni qaangiussimalersorlu pinngortitap namineq ukiortaaq nalliusissavaa, taamak astrofysikeri Michael Linden-Vørnle Københavnimi Tycho-Brahe Planitariameersoq oqarpoq.

Qilammi "ammoroortarneq" Bootiderit isumagissavaat, taakku ullorissar anaat tulleriiaat ukiumiit ukiumut utertuartut siullersarissavaat.

Bootideriniit ullorissat anaat ulloriaqarfimmit Bootes-init (Nannumik paarsisoq) nakkakaassapput, Karlsvognip tigummiviusaata nalaaniit.

Nakkaasut piffissami jannuarip 1-ianiit 5-iata tungaanut nakkaassapput, Kalaallit Nunaata qulaagut tallimanngorpat jannuaarip 4-ani nal. 03.40-ip missaanni amerlanerpaanissaat naatsorsuutigineqarpoq.

Piffissap taamaalinerata missaani Bootiderit nalunaaquttap akunneranut 120-it missaannik anaanissaat naatsorsuutigineqarpoq, taamaattoq amerlassuiat assigiinngiiaarsinnaavoq (60-it 200-llu akornanni).

Ullorissat anaat nakkaasut pilersarput Nunarsuup kaavinnermigut ullorissap pamiullip pujoralaasarsuit qimatarisimasai aqqusaaraangagit.

Bootiderinut tunngatillugu aatsaat ungasippallanngitsukkut paasineqarpoq, ullorissap anarpassui tamakku ullorissamit pamiulimmit sorlermit pisuusimasinnaanersut.

Tassa NASA-mi ilisimatuup Peter Jenniskensip 2003-mi decembarimi naatsorsorlugu naammassisimavaa, Bootiderit ullorissap pamiullip 2003 EH1-mik atillip pilersitarisimassagunavikkai.

Naatsorsuutigineqarpoq, 2003 EH1 tassaasimassasoq ullorissap pamiullip ukiut 500-t matuma siornagut aserorsmasup ilakorsuarisimassagaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER